التخطي إلى المحتوى الرئيسي

بتحس دايما بالارهاق و التعب؟ اعرف كل حاجه عن الارهاق المستمر و ازاي تعالجه

 كتير مننا بيحس دايما بارهاق و خمول و تعب مستمر و مبيقدرش يمارس حياته بصوره طبيعية من الارهاق ده. طيب ايه هي اسباب الارهاق المستمر ده و ازاي نتعامل معاه صح. ده الي هنتكلم عليه في الموضوع ده

١. ايه هي اسباب الارهاق المستمر؟

اولا فيه اسباب عضويه كتير بتسبب الارهاق المستمر ذي  ضعف عضله القلب او سكر او مشاكل صدريه او انيميا او التهاب مزمن ذي التهاب الصدر أو بتكون بتاخد علاج زي أدوية الاكتئاب و ادويه المهدئات و أدويه الصرع و اسباب تانيه كتير.

فيه برده اسباب مش عضويه زي قله النوم او لخبطه في النوم أو اكتئاب أو أكل غير صحي أو نظام حياه مش صحي ده كله ممكن يسبب الارهاق المستمر.

٢. اعمل ايه لو حاسس بارهاق مستمر؟

لو حاسس بارهاق مستمر لازم تروح لدكتور عشان يفحصك و يتأكد ان مفيش اسباب عضويه ممكن نعالجها و تكون السبب في الارهاق الدايم.

٣. طيب انا روحت لدكتور و عملت فحوصات و طلع مفيش حاجه عضويه اعمل ايه للارهاق ده؟

فيه حاجات كتير نقدر تعملها و تحسن موضوع الارهاق ده زي انك تنام من ٧ ل٩ ساعات يوميا و انك تنام في معاد ثابت كل يوم و متمسكش الموبايل او تتفرج على التلفزيون قبل ما تنام على طول. ممكن برده تقلل من السكريات في الشرب و الأكل على قد ما تقدر لأن السكريات مرتبطه بالارهاق حتة لو  معندكش سكر. برده لازم تقلل من المنبهات ذي الشاي و القهوه. ضروري كمان تعمل انشطه زي انك تتمشى كل يوم او تعمل تمارين حتى لو بسيطه كل بوم لمده نص ساعه بس هيفرق معاك جدا. اخر حاجه انك تزود كميه المياه الي بتشربها يوميا بحيث انها تكون من ٢ ل ٣ لتر يوميا لو معندكش امراض عضويه تمنع ده.

 في الاخر اتمنى تكونوا استفدتوا من لمعلومات عن الارهاق المستمر و متنسوش تعملوا شير عشان تنشروا المعلومات

الارهاق

 

Labels:

تعليقات

إرسال تعليق

المقالات الشعببية في موقع العيادة

جدول التطعيمات للأطفال في مصر 2025: المواعيد، التطعيمات الأكثر تعبًا، التطعيمات الاختيارية، ونصائح ما بعد التطعيم

‎تطعيم الأطفال من أهم الطرق لحمايتهم من أمراض خطيرة زي الحصبة، الدفتيريا، والسعال الديكي. كتير من الأمهات بتسأل: جدول التطعيمات في مصر 2025 إيه؟ التطعيم ده متعب؟ ألبس طفلي إيه؟ وأتعامل إزاي مع السخونية أو الألم بعد التطعيم؟ ‎في المقال ده هتلاقي كل الإجابات: جدول التطعيمات الإجبارية والاختيارية، النصائح بعد التطعيم، وصفات شعبية آمنة، وأهم الأسئلة الشائعة عند كل أم. ‎📌 جدول التطعيمات الإجبارية للأطفال في مصر 2025 ‎دي التطعيمات المجانية في الوحدات الصحية، الضرورية لحماية الطفل من أمراض خطيرة. ‎👶 عند الولادة ‎شلل الأطفال نقط ‎الدرن (BCG) ‎الجرعة الصفرية من فيروس B ‎📅 عمر شهرين ‎الخماسي: سعال ديكي + دفتيريا + تيتانوس + Hib ‎شلل الأطفال نقط وحقن (IPV) ‎روتا ‎فيروس B ‎📅 عمر 4 شهور ‎الخماسي ‎شلل الأطفال نقط وحقن ‎روتا ‎📅 عمر 6 شهور ‎الخماسي ‎شلل الأطفال نقط وحقن ‎روتا (الجرعة الأخيرة) ‎فيروس B ‎📅 عمر 9 شهور ‎الحصبة ‎📅 عمر 12 شهر ‎شلل الأطفال نقط ‎الالتهاب الكبدي A (اختياري) ‎MMR: حصبة – حصبة ألمانية – نكاف ‎📅 عمر 18 شهر ‎منشّط DTP ‎شلل الأطفال نقط وحقن ‎M...
إرسال تعليق
قراءة المزيد

التنميل في الجسم: أسبابه، ومتى يكون خطير، وطرق التعامل معه

 أسباب التنميل في الجسم وطرق بسيطة للتعامل معاه التنميل هو إحساس غريب بيحصل في جزء من الجسم – زي الإيد، الرجل، أو حتى الوجه – بيخليك تحس إن المكان ده كأنه "نايم" أو فيه شكشكة أو لسعة بسيطة. كتير من الناس بيحصل معاهم من وقت للتاني، لكن السؤال: إمتى التنميل يكون عادي؟ وإمتى نبدأ نقلق؟ ❗ إمتى التنميل يبقى خطر؟ لو التنميل مفاجئ وفي نص الجسم بس. لو معاه ضعف أو صعوبة في الحركة أو الكلام أو الرؤية. لو مستمر لفترات طويلة. في الحالات دي لازم تروح للدكتور فورًا. 🧠 الأسباب الشائعة للتنميل 1. الجلوس أو النوم غلط: زي لما تنام على دراعك أو رجلك فترة طويلة، فالدورة الدموية بتضعف مؤقتًا. 2. نقص فيتامينات (خصوصًا B12): فيتامين B12 مهم جدًا لصحة الأعصاب، ونقصه بيعمل تنميل وضعف إحساس. 3. السكري: ارتفاع السكر لفترة طويلة بيأثر على الأعصاب الطرفية. 4. مشاكل في العمود الفقري: زي الديسك أو الضغط على الأعصاب. 5. القلق والتوتر: ممكن يسببوا تنميل أو وخز نتيجة شد العضلات وتوتر الأعصاب. 6. أمراض عصبية أو مناعية: زي التهاب الأعصاب أو التصلب المتعدد. 7. الجلطات: التنميل المفاجئ في نصف الجسم مع أعراض أخرى...
إرسال تعليق
قراءة المزيد

الكركديه والضغط: هل فعلاً بيقلل الضغط؟ الفرق بين السخن والساقع

الكركديه والضغط.. هل هو فعلاً مفيد؟ والساقع أحسن ولا السخن؟ ناس كتير بتشرب كركديه على إنه حل سحري للضغط، بس يا ترى ده حقيقي؟ وأهم سؤال: الساقع هو اللي بيقلل الضغط ولا السخن؟ وهل ممكن نعتمد عليه لوحده ونسيب الأدوية؟ تعالى نجاوب على كل الأسئلة دي بطريقة بسيطة وسهلة. إيه هو الكركديه أصلاً؟ الكركديه هو نبات طبيعي بنشربه كمشروب سخن أو ساقع، وطعمه لذيذ ومنعش، بس الأهم من كده إنه بيأثر على ضغط الدم بشكل مباشر. الكركديه الساقع بيقلل الضغط أيوه، الكركديه الساقع فعلاً بيقلل ضغط الدم، وده مثبت في دراسات علمية. فيه مواد اسمها "أنثوسيانين" بتحسن الدورة الدموية وبتساعد في ارتخاء الأوعية الدموية، وده بيخلي الضغط ينزل. طيب بينزله قد إيه؟ الدراسات بتقول إن شرب كركديه ساقع يوميًا لمدة 2 لـ 6 أسابيع ممكن ينزل الضغط الانقباضي (الرقم الكبير) بحوالي 7 لـ 10 درجات، والانبساطي (الرقم الصغير) بحوالي 3 لـ 5 درجات. وده يعتبر تأثير ممتاز كمشروب طبيعي، بس مش كفاية لوحده في الحالات الشديدة. الكركديه السخن؟ خلي بالك! بعكس الساقع، بعض الأبحاث بتقول إن الكركديه السخن ممكن يرفع الضغط أو مايأثرش خالص، وده بيرج...
إرسال تعليق
قراءة المزيد

البقع البيضاء في الجلد مش بهاق بس! الأسباب، الفرق بين الأنواع، وأفضل طرق العلاج المضمون

 هل لاحظت في مرة بقعة بيضا ظهرت في جلدك؟ يمكن في إيدك أو وشك أو رجلك؟ أول حاجة بتجيلك في بالك: “يا ترى دي بُهاق (Vitiligo)؟!” 😟 بس الحقيقة إن مش كل بقعة بيضا معناها بُهاق… فيه أسباب كتير ممكن تعمل نفس المنظر، وبعضها بسيط جدًا ومش محتاج غير علاج خفيف أو حتى شوية اهتمام بالبشرة. في المقال ده هنتكلم بطريقة بسيطة عن: أشهر أنواع البقع البيضاء في الجلد إزاي تفرق بين كل نوع والعلاج المضمون سواء طبي أو طبيعي 🌤️ أولًا: يعني إيه بقع بيضاء في الجلد؟ البقع البيضاء هي مناطق لونها فاتح عن باقي الجلد. ممكن تبان صغيرة أو كبيرة، وساعات تبقى مسطّحة أو فيها قشر خفيف، وممكن تبقى في أي مكان في الجسم. فيه ناس بتظهرلهم بعد الصيف، أو بعد مرض جلدي، أو من غير سبب واضح. 👩‍⚕️ أهم الأسباب والأنواع خلينا نرتّبهم من الأكتر شيوعًا للأقل: 1. Tinea Versicolor (النخالة المبرقشة) ده من أكتر الأسباب المنتشرة خصوصًا في الجو الحر والرطوبة. بيكون بسبب نوع فطريات طبيعية على الجلد، بس ساعات بتنشط زيادة شوية وتعمل بقع بيضا أو بنيّة فاتحة. العلامات المميزة: بقع فاتحة أو غامقة شوية عن لون الجلد. بتظهر أكتر في الكتف، الصدر،...
إرسال تعليق
قراءة المزيد

إزاي تحافظ على الكلى في الصيف | نصايح مهمة تحميك من الجفاف ومشاكل الكلى

 🥵 إزاي تحافظ على الكلى في الصيف؟ الكلى من أهم الأعضاء في جسمنا، لأنها بتشتغل طول الوقت عشان تنضف الدم من السموم وتطلع المياه والفضلات في البول. في الصيف، الجسم بيفقد سوائل أكتر بسبب العرق، وده ممكن يأثر على الكلى لو ماعوضناش السوائل دي. علشان كده، لازم نهتم بالكلى أكتر في الجو الحر. 1️⃣ اشرب مياه كفاية طول اليوم المياه هي الصديق الأول للكلى. في الصيف، الجسم بيحتاج مياه أكتر من الشتاء، لأنك بتفقد سوائل في العرق حتى لو مش حاسس. حاول تشرب من ٢ لـ ٣ لتر مياه في اليوم. قسم شرب المياه على مدار اليوم، مش مرة واحدة. لو بتعمل مجهود أو رياضة، زوّد كمية المياه أكتر. 💡 نصيحة: لو لون البول غامق، ده معناه إنك محتاج تشرب مياه أكتر. 2️⃣ قلل من المشروبات الغازية والعصاير الصناعية المشروبات الغازية والعصاير المحفوظة فيها سكر عالي ومواد حافظة، وده بيزود خطر حصوات الكلى. كمان، الكافيين اللي في المشروبات الغازية والمشروبات الطاقة بيخلي الجسم يفقد سوائل أسرع. 3️⃣ اهتم بالأكل اللي يحافظ على الكلى في الصيف، حاول تاكل أكلات خفيفة وغنية بالمياه زي: الخيار البطيخ البرتقال الكنتالوب الطماطم الأكلات دي بترط...
إرسال تعليق
قراءة المزيد