التخطي إلى المحتوى الرئيسي

ارتفاع ضغط الشريان الرئوي تفاصيله و أسبابه و علاجه

ارتفاع ضغط الشريان الرئوي هو مرض خطير بييجي لبعض الناس و لازم يتشخص صح عشان يتعالج بالطريقه المناسبه. الشريان الرئوي هو الشريان الي بيودي الدم من البطين الأيمن للرئه عشان يوصل اكسجين للدم و بعدها الدم بيرجع من الرئه للأذين الأيسر و بعدين البطين الأيسر و يروح على أعضاء الجسم عشان يغذيها بالكسجين. ارتفاع ضغط الشريان الرئوي بيحصل نتيجه لأسباب كتير هنتكلم عنها بالتفصيل

١. ايه هي أسباب ارتفاع ضغط الشريان الرئوي؟

فيه أسباب كتير جدا و متقسمه لخمس أنواع:

  • النوع الأول: ده الي بيكون بسبب عيب خلقي زي ثقب في القلب أو مرض مناعي أو تليف في الكبد زي نتيجه بلهارسيا أو وراثي أو ممكن يكون بدون سبب.
  • النوع التاني: ده بيبقى نتيجه مشكله في الجانب الأيسر من القلب زي ضعف في عضله القلب أو مشكله في الصمام الميترالي أو الأورطي زي ارتجاع أو ضيق أو رفرفه أذينيه.
  • النوع التالت: ده بيبقى نتيجه مشكله في الرئه زي حساسيه الصدر أو سده رئويه مزمنه أو تليف بالرئه.
  • النوع الرابع: ده بيبقى نتيجه حصول جلطه قديمه في الشريان الرئوي و اتكلمنا عن جلطه الرئه في مقال سابق.
  • النوع الخامس: ده ليه كذا سبب زي أمراض الدم أو أمراض الغده الدرقية أو الأمراض الي بتصيب أعضاء مختلفه في الجسم.
٢. ايه هي أعراض ارتفاع ضغط الشريان الرئوي؟

أعراض ارتفاع ضغط الشريان الرئوي كتير زي:
  • نهجان مع مجهود قليل
  • وجع في الصدر.
  • ضربات قلب سريعة
  • كحه و ممكن تكون كحه بدم
  • تورم الرجلين
  • دوخه أو اغماء
٣. ازاي بيتشخص ارتفاع ضغط الشريان الرئوي؟

لو حسيت بأعراض زي الي قولنا عليها بتروح لدكتور القلب فورا و بعد ما بياخد تاريخ مرضي مفصل و يعمل فحص دقيق هيطلب فحوصات زي رسم القلب و موجات صوتية على القلب و على حسب شكوكه في نوع معين من ارتفاع ضغط الشريان الرئوي زي تحاليل أو أشعه مقطعيه على الصدر بالصبغه أو مسح ذري على الرئه أو اختبار وظائف تنفس أو قسطره للشريان الرئوي و غيرها على حسب شك الدكتور في نوع معين من ضغط الشريان الرئوي.

٤. ايه هو علاج ضغط الشريان الرئوي؟

النوع الأول من ضغط الشريان الرئوي في أغلب الحالات هو الي بياخد علاجات عشان تقلل ضغط الشريان الرئوي زي أدويه الفياجرا و الستاركوبركس و فيه أدويه تانيه زي البوسنتات أو البالميبروف أو الأوبسميت و الأبترافي و أدويه مضاده لمستقبلات الكالسيوم و دي كلها أدويه بتقلل ضغط الشريان الرئوي.
انما باقي الأنواع الدكتور بيحاول يعالج السبب سواء كان من الجانب الأيسر من القلب أو من الرئه أو غيرها و بالتاي ضغط الشريان الرئوي بيقل لو السبب اتعالج. في بعض الأحيان ممكن الدكتور يكتب على أدويه من الي بتتكتب للنوع الأول و ده بيرجع للدكتور.
النوع الرابع الي بيكون سبب جلطه سابقه في القلب ممكن المريض يتعمله جراحه قسطره علاجيه للشريان الرئوي عشان تتشال الجلطه الموجوده و ده الي الدكتور بيحدده حسب الحاله. 

٥. بيعيش اد ايه مريض ارتفاع ضغط الشريان الرئوي؟

مرض ارتفاع ضغط الشريان الرئوي هو مرض خطير و معقد و بيختلف من مريض لمريض و الأعراض شديده و لا لأ و هل فيه أمراض تانيه عنده. أهم حاجه هو ان مريض ارتفاع ضغط الشريان الرئوي يتشخص و يتعالج في أسرع وقت ممكن لأن الدراسات أثبتت ان ده بيحسن حاله المريض بطريقه كبيره جدا. تاني حاجه ضروري أن المريض يلتزم بنظام العلاج حتى لو متعب بالنسبه له لأن توقيف العلاج ممكن يعمل انتكاسه. برده المريض لازم ياخد تطعيمات الانفلونزا و الالتهاب الرئوي الي الدكتور يحددهاله لأنها بتقلل فرص حصول انتكاسات في المرض.

في النهايه مرض ارتفاع ضغط الشريان الرئوي مرض خطير و لازم يتشخص و يتعالج بطريقه صح بس كل يوم في أدويه جديده بتتطلع لعلاج ضغط الشريان الرئوي و بأعراض جانبيه أقل.

ارتفاع ضغط الشريان الرئوي


تعليقات

  1. مشروح بعنايه و بطريقه بسيطه. شكرا

    ردحذف
  2. يا ريت تكلمنا عن الارتجاع يا دكتور لحسن تاعبني اوي و طريقتك لطيفة ما شاء الله

    ردحذف

إرسال تعليق

المشاركات الشائعة من هذه المدونة

وجع الرقبة. ايه هو أسبابة و علاجه؟

 وجع الرقبة مشكله بتواجه ناس كتير و بستتبلهم ألم و مبيعرفوش حياتهم بشكل طبيعي. في الموضوع ده هنتكلم عن ايه هي أسباب وجع الرقبه و ازاي بتتعالج بطريقه صح. ١. ايه هي أعراض وجع الرقبة؟ وجع الرقبة بييجي بكذا شكل زي: الرقبة تكون شاده أو واقفه و الشخص ميقدرش يحركها بسهوله. وجع شديد في نقطة واحده في الرقبة. وجع بيزيد مع الحركه أو ان الواحد يتني رقبته. وجع بيسمع في الكتف أو الدراع. صداع وجع مع لمس منطقه الرقبة. ٢. ايه هي أسباب وجع الرقبة؟ فيه أسباب كتير لوجع الرقبة زي: التهاب أو شد في العضلات الي حوالين العمود الفقري في الرقبة و ده بيحصل نتيجه ان الشخص بيقعد بطريقه غلط أو بيقعد على مكتب لفتره طويله أو بينام في وضعيه غلط خبطة في الرقبة زي التعرض لحادثه أو خبطه و ده يا اما بيخلي الأوتار و العضلات بتاعه الرقبه تتحرك حركه مش طبيعيه أو ان يكون حصل اصابه لفقرات الرقبة. ذبحه أو جلطه في القلب. وجع الرقبة ممكن يكون من أعراض ذبحه أو جلطه القلب و الي ممكن يكون معاها ضيق في النفس أو غممان في النفس أو ترجيع أو عرق. الالتهاب السحائي. ده مرض خطير بيصيب الغشاء الي حوالين المخ و ممكن يكون مصاحب ليه تخشب الرقبة

فوائد البلح المثبتة علميا. اتعرف عليها

 البلح معروف عنه أنه مفيد للصحة و مغذي بس ايه هي فوايده بالظبط؟ في الموضوع هنتكلم بالتفصيل عن ٧ فوايد للبلح مثبتة علميا. ١. قيمة غذائية عالية. البلح فيه قيمة غذائيه عالية جدا و دا نتيجه انه فية نسبة عالية من السعرات الحرارية. غير كده فيه نسبة بسيطة من البروتين و فيه برده أملاح مهمة جدا للصحة زي الماغنسيوم و البوتاسيوم و الحديد و المنغانيز. غير إنه فيه نسبة من فيتامين ب  ٢. غني بالألياف. البلح فيه نسبة علية من الألياف و الألياف أهميتها انها بتساعد عملية الهضم و بتقلل الامساك و فية دراسه اثبتت ان الناس الي ياكلوا ٧ بلحات في البوم قللت عندهم الامساك و عسر الهضم. غير كدة الألياف الي في البلح مفيدة للتحكم في نسبة الجلوكوز في الدم. ٣. غني بمضادات الأكسدة. البلح غني جدا بمضادات الأكسده و مضادات الأكسدة فايدتها إنها بتحمي خلايا الجسم من المؤكسدات الي بتأذي خلايا الجسم و بتسبب أمراض زي الزهايمر و السرطان و السكر و بتأثر على الصحة بشكل عام. ٤. مفيد للمخ. البلح مفيد للمخ عن طريق أنه بيمنع حصول ترسبات في المخ و الي ممكن تسبب أمراض زي الزهايمر ده غير أن البلح فيه مواد مضادة للأكسده و الي بتحسن

قسطرة القلب من اليد. خطواتها و مميزاتها

 قسطرة القلب من اليد هي عملية جراحية بتتعمل لتصوير الشرايين التاجية الي بتغذي القلب و ممكن من خلالها بيتم عمل توسيع للشرايين التاجية أو تركيب دعامات. قسطرة القلب ممكن تتعمل من الفخد كمان. في الموضوع ده هنتكلم أكتر عن قسطرة القلب عن طريق اليد و ايه هي مميزاتها و خطواتها. ١. ايه هي خطوات قسطرة القلب من اليد؟ خطوات قسطرة القلب من اليد هي الطبيب الأول بيفحص الشريان الكعبري في الايدين و يتأكد ان مفيش مشكلة في سريان الدم فيه و بيختار الايد المناسبة أفضل للعمليه الايد بتتحط في وضعية الانبساط و بيتحط تحتها مخده صغيرة. الايد بتتعقم بمادة معقمه زي البيتادين. الدكتور ممكن يعطى دوا مهدئ و بعدين بيحقن بنج موضعي في الايد و المريض بيبقى فايق خلال العملية. الدكتور بيحط حاجه زي الكانيولا اسمها شيث في الشريان و الي من خلالها بيدخل قسطرة القلب عشان يصور الشرايين التاجية و ممكن يعمل اجراء علاجي زي توسيع الشرايين بالبالون أو تركيب دعامات. بعد العملية الدكتور بيحط حاجة زي الساعة بتضغط على مكان الشيث و بيشيل الشيث و بيسيب الساعه الي ضاغطه و بيتخف عليها بالتدريخ في الساعات الي بعد العملية لغاية لما تتشال تمام

اسباب الضغط الواطي و أعراضه و علاجه

الضغط الواطي مشكله عند ناس كتير و بالأخص البنات و الناس الي سنها صغير. الضغط الواطي هو ان يكون الضغط أقل من ١٠٠/٦٠ و هنتكلم عن اسبابه و أعراضه و طرق علاجه بطريقه بسيطه. ١. ايه هي اسباب الضغط الواطي؟ ليه أسباب كتير اكترها ان يكون فيه جفاف او نقص مياه في الاوعيه الدمويه نتيجه نقص شرب مياه أو ترجيع أو اسهال. ممكن يكون كمان بسبب انيميا. فيه مشاكل اخطر بتعمل ضغط واطي زي ضعف عضله القلب الي بيحصل نتيجه ان القلب مبيضخش دم كفايه في الأوعيه الدمويه. برده فشل الكبد بيعمل ضغط واطي عن طريق انه مبينتجش البروتينات الي بتحفظ المياه في الأوعية. فيه كمان ان يكون فيه مشكله في الغده الكظرية  ٢. ايه هي أعراض الضغط الواطي؟ ناس كتير و بالأخص البنات عندها ضغط واطي بس معندهم أعراض و ده مبيبقاش منه مشكله و مبيتداخدش ليه علاج. بس فيه ناس بيبقى عندها أعراض ذي الدوخه و الضعف العام أو تنميل في .الأطراف ٣. طيب ايه هو علاج الضغط الواطي؟ لو مفيش أعراض الضغط الواطي مفيش داعي للعلاج او انك تاخد ادويه ترفع الضغط ده العكس دي ممكن ترفع الضغط و يبقى عالي. انما لو فيه أعراض أهم حاجه هي شرب سوايل كتير من ٣ ل٤ لتر في اليوم و م