شرب القهوه عاده عند كتير جدا من الناس عشان بتفوق و بتعدل المزاج بس كان كتير من دكاتره بينصحوا بعدم شرب القهوه عشان مضره للقلب فهل الكلام ده حقيقي و لا لأ و هل القهوه مفيده و لا ضاره؟
فيه دراسه جديده اثبتت ان شرب القهوه من كوبايتين لتلاته مفيد جدا للقلب عن طريق:
١. بيقلل احتماليه حدوث ضعف في عضله القلب
٢. بيقلل احتماليه حدوث لخبطه في ضربات القلب.
٣. بيقلل احتماليه حدوث قصور في الشرايين التاجيه
٤. كمان بيقلل نسبه تعرضك لجلطه في المخ
القهوه فيها مكونات كتيره مفيده غير الكافيين زي مضادات الأكسده فغير ان القهوه مفيده للقلب دي كمان مفيده للكبد و بتقلل نسبه انك يجيلك سكر و بتحمي من مرص شلل الرعاش و بتساعد على التركيز.
الخلاصه ان القهوه مفيده جدا لو كوبايتين لتلاته في اليوم و الي ممكن يضر لو بتحط سكر كتير على القهوه و السكر مضر انه بيزود الوزن و يعرضك لمشاكل انك ممكن يجيلك سكر و بتبقى معرض لمشاكل القلب. فلو بتشرب أو هتشرب قهوه حط سكر قليل او تبقى قهوه ساده و خليها من ٢ ل ٣ كوبايات قهوه يوميا.
