التخطي إلى المحتوى الرئيسي

أفضل نظام غذائي يحافظ على قلبك ويقلل الضغط والكوليسترول في أسبوعين (نظام داش دايت)

لو عندك ضغط عالي أو مشاكل في القلب أو كوليسترول مرتفع، فالنظام الغذائي هو أول وأهم خطوة في العلاج.

النهارده هنتكلم عن أفضل نظام غذائي أثبت فعاليته علميًا في تقليل ضغط الدم وتحسين صحة القلب، وهو نظام داش دايت (DASH Diet).

الفكرة الأساسية في النظام ده هي تقليل الملح في الأكل، وزيادة الأكل الغني بالبوتاسيوم والماغنسيوم والكالسيوم.

ولو اتبعت النظام ده بشكل مظبوط، ممكن تلاحظ انخفاض ضغط الدم خلال أسبوعين بس 

يعني إيه نظام داش دايت؟

كلمة “DASH” اختصار لـ Dietary Approaches to Stop Hypertension، يعني “نظام غذائي لإيقاف ارتفاع ضغط الدم”.

وهو مش نظام حرمان، بالعكس! بيعتمد على أكل صحي متوازن يخلي جسمك في أحسن حال.

مكونات نظام داش دايت:

1. تقليل الملح جدًا في الأكل

اليوم كله مينفعش يزيد عن معلقة صغيرة ملح.

وصدقني، أول كام يوم هتحس الأكل عادم، بس بعد أسبوع جسمك هيتعود، وهتكتشف إن طعم الأكل الطبيعي أحسن بكتير.

2. كل فواكه 3 مرات في اليوم على الأقل

كل مرة تعتبر “حصة”، يعني ثمرة فاكهة واحدة زي تفاحة أو موزة.

3. اكل خضار طازة في كل وجبة

سواء في شكل سلطة (طماطم، خيار، خس، كابوتشي، بنجر) أو عصير طبيعي زي عصير الطماطم أو الجزر.

4. زود السمك في أكلك

حاول تاكل سمك من 3 لـ 4 مرات أسبوعيًا لأنه غني بالأوميجا 3 اللي بتحافظ على القلب.

5. قلّل اللحوم الدسمة والمصنّعة

زي اللحم اللي فيه دهون كتير، السجق، اللانشون، والبرجر الجاهز.

6. ابعد عن الأكل المقلي والمسبك

واستبدله بالمشوي أو المسلوق أو المطبوخ على البخار.

7. اشرب مياه كتير يوميًا

المياه بتساعد الجسم يتخلص من الأملاح والدهون وبتحافظ على ضغط الدم.

8. قلّل الحلويات والعصاير الجاهزة

لأنها مليانة سكر وسعرات فاضية بتزوّد الكوليسترول والدهون.

نصايح إضافية عشان نظام داش ينجح معاك:

مارس رياضة خفيفة زي المشي نص ساعة يوميًا.

متزودش كميات الأكل حتى لو صحي.

راقب وزنك كل أسبوع.

قلّل الكافيين والتدخين قدر الإمكان.

النتيجة:

لو التزمت بنظام DASH دايت لمدة شهر، هتلاحظ:

انخفاض في ضغط الدم.

تحسن في نسبة الكوليسترول.

نشاط أكتر وحيوية أعلى.

📢 لو عجبك المقال، شاركه مع اللي يهمك أمرهم ❤️

ومتنساش تتابع موقع Eleyada.com – المعلومة الطبية ببساطة عشان تعرف كل جديد عن التغذية وصحة القلب.

داش دايت


 

Labels:

تعليقات

إرسال تعليق

المقالات الشعببية في موقع العيادة

جدول التطعيمات للأطفال في مصر 2025: المواعيد، التطعيمات الأكثر تعبًا، التطعيمات الاختيارية، ونصائح ما بعد التطعيم

‎تطعيم الأطفال من أهم الطرق لحمايتهم من أمراض خطيرة زي الحصبة، الدفتيريا، والسعال الديكي. كتير من الأمهات بتسأل: جدول التطعيمات في مصر 2025 إيه؟ التطعيم ده متعب؟ ألبس طفلي إيه؟ وأتعامل إزاي مع السخونية أو الألم بعد التطعيم؟ ‎في المقال ده هتلاقي كل الإجابات: جدول التطعيمات الإجبارية والاختيارية، النصائح بعد التطعيم، وصفات شعبية آمنة، وأهم الأسئلة الشائعة عند كل أم. ‎📌 جدول التطعيمات الإجبارية للأطفال في مصر 2025 ‎دي التطعيمات المجانية في الوحدات الصحية، الضرورية لحماية الطفل من أمراض خطيرة. ‎👶 عند الولادة ‎شلل الأطفال نقط ‎الدرن (BCG) ‎الجرعة الصفرية من فيروس B ‎📅 عمر شهرين ‎الخماسي: سعال ديكي + دفتيريا + تيتانوس + Hib ‎شلل الأطفال نقط وحقن (IPV) ‎روتا ‎فيروس B ‎📅 عمر 4 شهور ‎الخماسي ‎شلل الأطفال نقط وحقن ‎روتا ‎📅 عمر 6 شهور ‎الخماسي ‎شلل الأطفال نقط وحقن ‎روتا (الجرعة الأخيرة) ‎فيروس B ‎📅 عمر 9 شهور ‎الحصبة ‎📅 عمر 12 شهر ‎شلل الأطفال نقط ‎الالتهاب الكبدي A (اختياري) ‎MMR: حصبة – حصبة ألمانية – نكاف ‎📅 عمر 18 شهر ‎منشّط DTP ‎شلل الأطفال نقط وحقن ‎M...
إرسال تعليق
قراءة المزيد

التنميل في الجسم: أسبابه، ومتى يكون خطير، وطرق التعامل معه

 أسباب التنميل في الجسم وطرق بسيطة للتعامل معاه التنميل هو إحساس غريب بيحصل في جزء من الجسم – زي الإيد، الرجل، أو حتى الوجه – بيخليك تحس إن المكان ده كأنه "نايم" أو فيه شكشكة أو لسعة بسيطة. كتير من الناس بيحصل معاهم من وقت للتاني، لكن السؤال: إمتى التنميل يكون عادي؟ وإمتى نبدأ نقلق؟ ❗ إمتى التنميل يبقى خطر؟ لو التنميل مفاجئ وفي نص الجسم بس. لو معاه ضعف أو صعوبة في الحركة أو الكلام أو الرؤية. لو مستمر لفترات طويلة. في الحالات دي لازم تروح للدكتور فورًا. 🧠 الأسباب الشائعة للتنميل 1. الجلوس أو النوم غلط: زي لما تنام على دراعك أو رجلك فترة طويلة، فالدورة الدموية بتضعف مؤقتًا. 2. نقص فيتامينات (خصوصًا B12): فيتامين B12 مهم جدًا لصحة الأعصاب، ونقصه بيعمل تنميل وضعف إحساس. 3. السكري: ارتفاع السكر لفترة طويلة بيأثر على الأعصاب الطرفية. 4. مشاكل في العمود الفقري: زي الديسك أو الضغط على الأعصاب. 5. القلق والتوتر: ممكن يسببوا تنميل أو وخز نتيجة شد العضلات وتوتر الأعصاب. 6. أمراض عصبية أو مناعية: زي التهاب الأعصاب أو التصلب المتعدد. 7. الجلطات: التنميل المفاجئ في نصف الجسم مع أعراض أخرى...
إرسال تعليق
قراءة المزيد

حقنة البرد السحرية: ليه الناس بتاخدها؟ وإيه أضرارها ومكوناتها؟

 حقنة البرد “المشهورة”.. ليه كل الناس بتدور عليها أول ما يجيلها دور برد؟ في مصر، مجرد ما حد يتعب شوية، حرارة، صداع، كحة، احتقان… تلاقي أول جملة تتقال: "خُد الحقنة اللي بتريح في ساعتها!" الحقنة دي بقت مشهورة لدرجة إن كل صيدلية تقريبًا بتسمع الطلب ده يوميًا، وبقى ليها اسم معروف بين الناس: حقنة البرد الثلاثية أو “الخلطة السحرية”. بس… إيه هي الحقنة دي؟ ليه بتخلي الواحد يحس إنه “بقى كويس” بعد نص ساعة؟ وليه الدكاترة بقت تحذر منها الفترة الأخيرة؟ وهل فعلًا هي حل سحري ولا مجرد راحة مؤقتة ليها تمن؟ تعالى نفهم القصة ببساطة… إيه هي حقنة البرد المنتشرة في مصر؟ الحقيقة إن مفيش حقنة واحدة اسمها كده… لكن في خلطة بقت منتشرة في معظم الصيدليات، وبتتركب من ٣ حاجات غالبًا: 1️⃣ مضاد للالتهاب (زي ديكلوفيناك – فولتارين) ده المسؤول عن تخفيف: الصداع ألم الجسم الحرارة التهابات الزور بيشتغل بسرعة، وده بيدي إحساس “الفَوقان”. 2️⃣ كورتيزون (زي ديبروفوس أو كورتيبلكس) وده أخطر جزء في الخلطة. الكورتيزون بيقلل الالتهاب ويهدي الاحتقان بسرعة جدًا… وبيخلي المريض حرفيًا يحس إنه بقى كويس بعد نص ساعة أو ساعة. بس تأ...
إرسال تعليق
قراءة المزيد

سكر الحمل: كل اللي محتاجة تعرفيه من أول يوم لحد الولادة

 سكر الحمل من أكتر المشاكل اللي بتواجه الستات خلال فترة الحمل، وكتير قوي بيسمعوا عنه لكن مش بيبقوا فاهمين هو إيه بالظبط، بييجي ليه، وبيتعاملوا معاه إزاي. الحقيقة إن المرض ده بقى شائع جدًا، وبيتصنف من أهم أسباب المتابعة الدقيقة مع دكتور النسا علشان يطمن على الأم والجنين طول الشهور. في المقال ده هنتكلم مع بعض بطريقة بسيطة وواضحة عن كل حاجة تخص سكر الحمل: أسبابه، أعراضه، خطورته، التشخيص، العلاج، والأكل الصح. يعني إيه سكر الحمل؟ ببساطة… هو ارتفاع في مستوى السكر في الدم بيظهر لأول مرة أثناء الحمل. يعني الأم قبل الحمل كانت كويسة جدًا وماعندهاش سكر، لكن مع تغييرات الحمل الهرمونية الجسم ما بيعرفش يتعامل مع الإنسولين كويس، فمستوى السكر بيعلى. اللي لازم تعرفيه إن الموضوع مش نادر… بالعكس، كل يوم بيزيد، وده ليه علاقة بالوزن، الأكل، والعوامل الوراثية. مين أكتر ناس عرضة لسكر الحمل؟ مع إن أي ست ممكن يجيلها، لكن في عوامل بتزوّد احتمال ظهوره، زي: الوزن الزيادة قبل الحمل إن يكون فيه تاريخ عائلي للسكر لو سبق وجالها سكر حمل قبل كده لو السن فوق ٣٥ سنة متلازمة تكيس المبايض حمل بتوأم أكل غير صحي ودهون كت...
إرسال تعليق
قراءة المزيد

إزاي تحافظ على الكلى في الصيف | نصايح مهمة تحميك من الجفاف ومشاكل الكلى

 🥵 إزاي تحافظ على الكلى في الصيف؟ الكلى من أهم الأعضاء في جسمنا، لأنها بتشتغل طول الوقت عشان تنضف الدم من السموم وتطلع المياه والفضلات في البول. في الصيف، الجسم بيفقد سوائل أكتر بسبب العرق، وده ممكن يأثر على الكلى لو ماعوضناش السوائل دي. علشان كده، لازم نهتم بالكلى أكتر في الجو الحر. 1️⃣ اشرب مياه كفاية طول اليوم المياه هي الصديق الأول للكلى. في الصيف، الجسم بيحتاج مياه أكتر من الشتاء، لأنك بتفقد سوائل في العرق حتى لو مش حاسس. حاول تشرب من ٢ لـ ٣ لتر مياه في اليوم. قسم شرب المياه على مدار اليوم، مش مرة واحدة. لو بتعمل مجهود أو رياضة، زوّد كمية المياه أكتر. 💡 نصيحة: لو لون البول غامق، ده معناه إنك محتاج تشرب مياه أكتر. 2️⃣ قلل من المشروبات الغازية والعصاير الصناعية المشروبات الغازية والعصاير المحفوظة فيها سكر عالي ومواد حافظة، وده بيزود خطر حصوات الكلى. كمان، الكافيين اللي في المشروبات الغازية والمشروبات الطاقة بيخلي الجسم يفقد سوائل أسرع. 3️⃣ اهتم بالأكل اللي يحافظ على الكلى في الصيف، حاول تاكل أكلات خفيفة وغنية بالمياه زي: الخيار البطيخ البرتقال الكنتالوب الطماطم الأكلات دي بترط...
إرسال تعليق
قراءة المزيد