الشخير في النوم مشكله عند ناس كتير و ممكن لو متجوز ممكن يكون الشخير مصدر ازعاج للزوجه بس للأسف الشخير ممكن يكون أكتر من مجرد ازعاج للي حواليك و يكون بيسبب حاجه اسمها انقطاع مفاجئ للتنفس خلال النوم و دي حاجه ممكن تسبب مضاعفات زي ارتفاع ضغط الدم و لخبطه في ضربات القلب أو ضعف عضله القلب و ضعف جنسي.
طيب ايه اعراض مرض انقطاع النفس المفاجئ و الي بيسببه الشخير؟
١. الصحيان في عز النوم على شرقه أو خنقه أو ان شخص نايم جنبك يقولك أن نفسك بيقطع لفتره و انت نايم.
٢. ممكن تلاقي نفسك مش مركز طول اليوم و وخمان و مممكن تنام و انت سايق
٣. تصحى تلاقي ريقك أو بقك ناشف
٤. صداع أول لما تصحى من النوم
٥. ضعف جنسي و مفيش رغبه موجوده
٦. الشخير ممكن يبقى عالي لدرجه انه ممكن يصحى الي نايم جنبك
٧. بتنام نوم مقطع و كل شويه تقوم من عز النوم و تحلم كوابيس معظم الوقت.
انقطاع النفس خلال النوم و الي بيسببه الشخير ده مشكله كبيره و لازم تتعرف على أعراضها عشان لو عندك تكشف عشان تمنع المضاعفات الي ممكن تحصل منه. هنتكلم في موضوع تاني عن ازاي تحاول تتغلب على مشكله انقطاع النفس و الشخير. متنساش تعمل شير عشان تنشر المعلومات.
