ناس كتير بتحب مشروب العرقسوس و خاصه في شهر رمضان. في المقال ده هنتكلم عن مشروب العرقسوس و ايه اضراره على الصحه و هل ليه فوايد و لا لأ.
١. ايه هي فوايد العرقسوس؟
العرقسوس ليه خصائص مضادة للأكسدة و مضاد للبكتيريا و ليه بعض الفوايد زي:
- بيقلل التهاب المعده و ارتجاع المعده.
- ممكن يقلل من التهابات الأسنان
- بيقلل من نسبه حدوث سرطان عشان فيه مواد مضادة للأكسدة.
- ممكن يقلل الأعراض في دور البرد و أدوار الشعب الهوائية
٢. و ايه هي أضرار العرقسوس؟
شرب كميات قليه و لفتره قصيره من مشروب العرقسوس يعتبر آمن لكن شرب كميات كبيرة منه ممكن يعمل مشاكل خطيرة لأنه بيزود نسبه هرمون الكورتيزون الي بيفرزه الجسم و يسبب مشاكل زي:
- هبوط في مستوى البوتاسيوم في الدم
- ارتفاع ضغط الدم
- ضعف في العضلات
- لخبطه في ضربات القلب
عشان كده مينصحش اي حد عنده ضغط عالي أو مشاكل في الكلي أو في البوتاسيوم أو الي عندهم ضعف في عضله القلب أنهم يشربوا عرقسوس.
٣. هل العرقسوس آمن للحوامل؟
الدراسات اثبتت ان العرقسوس ممكن يأثر على نمو المخ للبيبي فعشان كده المفروض الحوامل و الستات الي بيرضعوا انهم ميشربوش عرقسوس.
يا ريت يكون المقال عجبكم و عرفتوا أكتر عن مشروب العرقسوس و فوايده و أضراره.
تعليقات
إرسال تعليق