التخطي إلى المحتوى الرئيسي

قسطرة القلب من اليد: المميزات، الخطوات، وهل فعلاً أسهل من الفخذ؟

 قسطرة القلب من اليد هي عملية جراحية بتتعمل لتصوير الشرايين التاجية الي بتغذي القلب و ممكن من خلالها بيتم عمل توسيع للشرايين التاجية أو تركيب دعامات. قسطرة القلب ممكن تتعمل من الفخد كمان. في الموضوع ده هنتكلم أكتر عن قسطرة القلب عن طريق اليد و ايه هي مميزاتها و خطواتها.

١. ايه هي خطوات قسطرة القلب من اليد؟

خطوات قسطرة القلب من اليد هي

  • الطبيب الأول بيفحص الشريان الكعبري في الايدين و يتأكد ان مفيش مشكلة في سريان الدم فيه و بيختار الايد المناسبة أفضل للعمليه
  • الايد بتتحط في وضعية الانبساط و بيتحط تحتها مخده صغيرة.
  • الايد بتتعقم بمادة معقمه زي البيتادين.
  • الدكتور ممكن يعطى دوا مهدئ و بعدين بيحقن بنج موضعي في الايد و المريض بيبقى فايق خلال العملية.
  • الدكتور بيحط حاجه زي الكانيولا اسمها شيث في الشريان و الي من خلالها بيدخل قسطرة القلب عشان يصور الشرايين التاجية و ممكن يعمل اجراء علاجي زي توسيع الشرايين بالبالون أو تركيب دعامات.
  • بعد العملية الدكتور بيحط حاجة زي الساعة بتضغط على مكان الشيث و بيشيل الشيث و بيسيب الساعه الي ضاغطه و بيتخف عليها بالتدريخ في الساعات الي بعد العملية لغاية لما تتشال تماما.

٢. ايه هي مميزات قسطرة القلب من اليد؟

قسطرة القلب من اليد ليها مميزات كتير و هي الي بينصح بيها معظم جمعيات القلب العالمية زي جمعية القلب الأوروبية و ليها مميزات زي:
  • مضاعفات أقل زي النزيف و التجمعات الدموية مش زي قسطره القلب من الفخد الي ممكن يحصل منها مضاعفات أكتر زي النزيف.
  • المريض يقدر يتحرك مش ذي قسطرة القلب عن طريق الفخد الي المريض بيضطر يفضل نايم و ميتحركش لمده من ٦ ساعات ل١٢ ساعه على حسب طبيعة العملية.

٣. امتى الدكتور ممكن ميعملش قسطره القلب من اليد و يعملها من الفخد؟

في أسباب كتير بتخلي الدكتور يتستبعد قسطرة القلب من اليد و يعملها من الفخد زي:
  • مشكله في شرايين اليد زي ضيق أو سدد أو اعوجاج في الشرايين 
  • في عمليات معقدة زي تركيب دعامتين في بعض أو تكس شديد في الشرايين و غيرها ممكن الدكتور يفضل قسطره القلب من الفخد و مش من اليد لأنها بتساعده أكتر.
  • حصول مضاعفه من قسطرة القلب زي تقلص الشريان على القسطرة فساعتها الدكتور مبيقدرش يكمل العملية من اليد و يضطر يكمل من شريان الفخد

٤. المريض بيروح بعد اد ايه من عمل قسطره القلب من اليد؟

في القسطره التشخيصية من خلال اليد الي مبيبقاش فيها تدخل علاجي ممكن المريض يروح بعد ساعات لكن لو تم عمل توسيع أو تركيب دعامات في الشرايين التاجية ممكن المريض يقعد في المستشفى فترة أكبر للملاحظة و ممكن يبات و يروح تاني يوم و ده الدكتور الي بيحدده طبقا لطبيعة العملية.

اتمني ان تكونوا عرفتوا أكتر عن قسطرة القلب من اليد و ايه هي مميزاتها و خطواتها. اعملوا شير للموضوع عشان الناس تعرف أكتر غن قسطرة القلب من اليد  

قسطرة القلب من اليد


Labels:

المقالات الشعببية في موقع العيادة

هل أنا مريض نفسي؟ اختبار نفسي مبسط لتقييم حالتك النفسية بنفسك

هل أنا مريض نفسي؟ اختبار نفسي مبسط لتقييم حالتك النفسية بنفسك كتير مننا بيمر بلحظات ضعف، توتر، أو حتى مشاعر ملخبطة، وبيبقى جواه سؤال بيزنّ في دماغه: هو أنا كده طبيعي؟ ولا أنا مريض نفسي؟ في المقال ده هنجاوبك على السؤال ده بطريقة بسيطة، من غير تعقيد ولا مصطلحات طبية صعبة. كل اللي عليك تجاوب على شوية أسئلة بكل صراحة، وفي الآخر هتلاقي نتيجة توضحلك لو محتاج تساعد نفسك أكتر أو تكلم متخصص. مين اللي ممكن يسأل نفسه السؤال ده؟ لو بتفكر كتير بطريقة سلبية. لو حاسس إنك مش قادر تفرح أو تحس بالحياة. لو بتخاف من حاجات مش مفهومة. لو عندك نوبات بكاء أو غضب من غير سبب واضح. لو منعزل ومش عايز تتكلم مع حد. لو أي حاجة من دول بتحصللك بشكل متكرر، فده معناه إنك تستحق تسأل نفسك الأسئلة اللي جاية. ✅ الاختبار النفسي المبسط جاوب بـ: دائمًا – أحيانًا – نادرًا – أبدًا بحس بالحزن أو الفراغ معظم الوقت. فقدت الشغف بالحاجات اللي كنت بحبها زمان. نومي متلخبط أو مش بكفي نوم. بفكر في الموت أو إني مش عايز أعيش. بقلق بشكل مستمر وقلبي دايمًا مقبوض. بحس إني لوحدي حتى وسط الناس....
اقرأ المزيد

التنميل في الجسم: أسبابه، ومتى يكون خطير، وطرق التعامل معه

 أسباب التنميل في الجسم وطرق بسيطة للتعامل معاه التنميل هو إحساس غريب بيحصل في جزء من الجسم – زي الإيد، الرجل، أو حتى الوجه – بيخليك تحس إن المكان ده كأنه "نايم" أو فيه شكشكة أو لسعة بسيطة. كتير من الناس بيحصل معاهم من وقت للتاني، لكن السؤال: إمتى التنميل يكون عادي؟ وإمتى نبدأ نقلق؟ ❗ إمتى التنميل يبقى خطر؟ لو التنميل مفاجئ وفي نص الجسم بس. لو معاه ضعف أو صعوبة في الحركة أو الكلام أو الرؤية. لو مستمر لفترات طويلة. في الحالات دي لازم تروح للدكتور فورًا. 🧠 الأسباب الشائعة للتنميل 1. الجلوس أو النوم غلط: زي لما تنام على دراعك أو رجلك فترة طويلة، فالدورة الدموية بتضعف مؤقتًا. 2. نقص فيتامينات (خصوصًا B12): فيتامين B12 مهم جدًا لصحة الأعصاب، ونقصه بيعمل تنميل وضعف إحساس. 3. السكري: ارتفاع السكر لفترة طويلة بيأثر على الأعصاب الطرفية. 4. مشاكل في العمود الفقري: زي الديسك أو الضغط على الأعصاب. 5. القلق والتوتر: ممكن يسببوا تنميل أو وخز نتيجة شد العضلات وتوتر الأعصاب. 6. أمراض عصبية أو مناعية: زي التهاب الأعصاب أو التصلب المتعدد. 7. الجلطات: التنميل المفاجئ في نصف الجسم مع أعراض أخرى...
اقرأ المزيد

إزاي نتجنب دور البرد بين الفصول؟ 10 طرق بسيطة تحميك من نزلات البرد

  إزاي نتجنب دور البرد بين الفصول؟ 10 طرق بسيطة تحميك من نزلات البرد أول ما الجو يبدأ يتغير، تلاقي ناس كتير بتقول: "الجو قلب.. أكيد هنبدأ دور البرد!" 😅 مرة الجو حر الصبح وبليل تلاقيه برد، ومرة تخرج بتيشيرت وترجع محتاج جاكت، وفجأة تبدأ الكحة والرشح والعطس ووجع الزور. بس هل تغيير الجو نفسه هو اللي بيسبب البرد؟ الحقيقة إن الموضوع مش بالبساطة دي. معظم نزلات البرد سببها فيروسات ، وأشهرها مجموعة من الفيروسات التنفسية، والعدوى بتنتقل من شخص للتاني عن طريق الرذاذ وإفرازات الجهاز التنفسي أو لمس الأسطح الملوثة وبعدها لمس العين أو الأنف أو الفم. يعني تغيير الجو ممكن يكون عامل مساعد في انتشار العدوى، لكن مش معنى إنك خرجت من مكان دافي لمكان بارد إنك هتصاب بالبرد تلقائيًا. والخبر الحلو إن فيه شوية خطوات بسيطة ممكن تقلل فرص إصابتك وتساعدك تعدي موسم تغيير الجو بأقل مشاكل ممكنة. 1. اغسل إيدك باستمرار 🧼 دي من أبسط وأهم طرق الوقاية من العدوى التنفسية. إحنا طول اليوم بنلمس الموبايل، الأبواب، المكاتب، وسائل المواصلات وحاجات كتير ممكن يكون عليها فيروسات. وبعد كده ممكن نلمس عينينا أو ...
اقرأ المزيد

نظام الطيبات: إيه الصح وإيه الغلط؟ الحقيقة الطبية عن المسموحات والممنوعات

نظام الطيبات: إيه الصح وإيه الغلط؟ الحقيقة الطبية وراء المسموحات والممنوعات هل نظام الطيبات فعلاً صحي؟ وهل فعلاً لازم نبعد عن الفراخ والبيض واللبن والبقوليات والخضار؟ وهل ممكن الصيام وخل القصب يعالجوا الأمراض؟ في الفترة الأخيرة انتشر جدًا على السوشيال ميديا ما يُعرف باسم نظام الطيبات ، وبقى ناس كتير بتسأل: هو النظام ده صحي فعلًا؟ وإيه الأكل المسموح والممنوع فيه؟ وهل كل الكلام اللي بيتقال عنه مبني على أبحاث علمية؟ الحقيقة إن الصورة محتاجة شوية تفصيل. في نظام الطيبات فيه أفكار ممكن تكون مفيدة فعلًا، زي تقليل الأكل المصنع، وتقليل الإفراط في الأكل، والاهتمام بالأكل الطبيعي. لكن في نفس الوقت، فيه قواعد تانية شديدة جدًا، زي منع مجموعات غذائية كاملة بدون سبب طبي واضح، ومنع بعض الفواكه والخضروات والبقوليات والبيض والدواجن، بل وانتشرت أيضًا معلومات عن عدم تناول بعض الأدوية أثناء اتباع النظام. ودي نقطة مهمة جدًا: مش كل حاجة اتقالت باسم "نظام الطيبات" معناها إنها مثبتة علميًا أو مناسبة لكل الناس. أولًا: إيه هو نظام الطيبات؟ نظام الطيبات هو نمط غذائي اشتهر في مصر والعالم العربي، ...
اقرأ المزيد

ليه بحس بدوخة لما أقوم فجأة؟ الأسباب الخطيرة والبسيطة وطرق العلاج

 كتير من الناس بيحصل لهم موقف غريب: تكون قاعد أو نايم، وبمجرد ما تقوم بسرعة تحس بدوخة مفاجئة أو إن الدنيا بتسود شوية. الإحساس ده ممكن يخليك تمسك في الحيطة أو تقعد تاني لحد ما الدوخة تروح. السؤال هنا: هل ده طبيعي؟ ولا ممكن يكون علامة على مشكلة صحية؟ في المقال ده هنعرف: ليه الدوخة بتحصل لما نقوم فجأة امتى تكون طبيعية وامتى لازم تقلق أسبابها الطبية طرق علاجها والوقاية منها ما اسم الحالة دي طبياً؟ الحالة دي غالباً اسمها: هبوط الضغط الانتصابي يعني هبوط ضغط الدم عند الوقوف. وده بيحصل لما ضغط الدم يقل فجأة بعد الوقوف من الجلوس أو النوم. الجسم الطبيعي بيعمل توازن سريع لضغط الدم لما تقوم، لكن أحياناً التوازن ده بيتأخر شوية، فبيحصل نقص مؤقت في الدم اللي رايح للمخ، وده اللي بيسبب الدوخة. لماذا تحدث الدوخة عند الوقوف فجأة؟ لما تكون قاعد أو نايم، الدم بيكون متوزع بالتساوي في الجسم. لكن لما تقوم فجأة: جزء كبير من الدم بينزل للساقين بسبب الجاذبية ضغط الدم بيقل شوية الدم اللي رايح للمخ يقل مؤقتاً المخ يحس بنقص الدم → فتشعر بالدوخة الجسم عادة بيعوض ده بسرعة عن طريق: زيادة ضربات القلب انقباض الأوعية...
اقرأ المزيد