العيادة

 يعني إيه تضخم الكبد؟ الكبد عضو أساسي في جسم الإنسان، وظيفته إنه ينقي الدم من السموم، يخزن الفيتامينات والمعادن، ويساعد على هضم الدهون. لما الدكتور يقول إن فيه تضخم في الكبد، ده معناه إن حجم الكبد أكبر من الطبيعي. التضخم مش مرض في حد ذاته، لكنه علامة أو عرض لوجود مشكلة تانية في الجسم. أسباب تضخم الكبد الأسباب اللي ممكن تسبب تضخم الكبد كتيرة، وأشهرها: 1. التهابات الكبد الفيروسية: زي فيروس A أو B أو C. 2. الكبد الدهني: نتيجة زياده الوزن أو السكري أو ارتفاع الدهون في الدم. 3. أمراض القلب: زي فشل عضلة القلب اللي بيأثر على ضخ الدم. 4. الأورام أو التكيسات: سواء حميدة أو خبيثة. 5. الإفراط في شرب الكحوليات. 6. بعض الأدوية: اللي ممكن تضر خلايا الكبد لو اتاخدت من غير إشراف طبي. 7. أمراض الدم أو الطحال: اللي بتخلي الكبد يشتغل زيادة عن طاقته. أعراض تضخم الكبد مش كل الناس بتحس بأعراض واضحة، لكن في علامات ممكن تبين زي: وجع أو تقلصات في الجنب اليمين العلوي من البطن. الإحساس بالامتلاء أو الانتفاخ. غثيان أو ترجيع. إرهاق وتعب مستمر. فقدان وزن من غير سبب واضح. اصفرار العين أو الجلد. إزاي بيتشخص تضخم ...

جرثومة المعدة أو Helicobacter pylori من أكتر الأسباب اللي بتعمل مشاكل في الجهاز الهضمي عند المصريين. الإحصائيات بتقول إن نسبة كبيرة جدًا من الناس في مصر مصابة بيها من غير ما تعرف، وده لأنها ممكن تعيش في المعدة سنين طويلة من غير أعراض واضحة. المشكلة إنها لو ما اتعالجتش ممكن تسبب قرحة في المعدة أو الإثنى عشر، ومضاعفات أخطر زي النزيف أو حتى أورام المعدة. في المقال ده هنشرح ببساطة: إيه هي جرثومة المعدة، إزاي بتتنقل، أعراضها، طرق التشخيص، وأحدث طرق العلاج الفعال. أسباب الإصابة بجرثومة المعدة جرثومة المعدة بتنتقل غالبًا عن طريق: الأكل أو الشرب الملوث (خصوصًا المية غير النظيفة). مشاركة أدوات الأكل أو الكوبايات مع شخص مصاب. قلة النظافة الشخصية، خصوصًا قبل الأكل. انتشار العدوى جوه الأسرة، لأن الجرثومة ممكن تتنقل بسهولة بين أفراد البيت. الأعراض اللي بتظهر على المريض مش كل مريض عنده جرثومة المعدة هيحس بأعراض، لكن لما تظهر بتكون غالبًا: حموضة وحرقان متكرر في المعدة. ألم أو تقلصات في البطن (خصوصًا بعد الأكل). غازات وانتفاخ. غثيان أو رغبة في القئ. فقدان وزن غير مبرر. في الحالات المتقدمة: قرحة المعدة...

التلبك المعوي والتسمم الغذائي: الفرق بينهم وأهم طرق الوقاية والعلاج يعني إيه تلبك معوي؟ التلبك المعوي هو اضطراب بيحصل في الهضم، بيخلي الشخص يحس بنفخة، وجع في البطن، إحساس بعدم الراحة، أو حتى إمساك وإسهال بالتبادل. غالبًا بيحصل بعد أكل تقيل أو دسم أو بعد تغييرات مفاجئة في نوعية الأكل. أعراض التلبك المعوي: انتفاخ البطن وغازات تقلصات أو وجع خفيف في البطن إحساس بالشبع بسرعة إمساك أو إسهال بسيط أحيانًا غثيان خفيف أسباب التلبك المعوي: أكل وجبات دسمة أو فيها دهون كتير الأكل بسرعة أو بدون مضغ كويس شرب مشروبات غازية أو كافيين كتير القلق أو التوتر الحساسية من بعض الأكلات (زي اللاكتوز أو الجلوتين) طب وإيه هو التسمم الغذائي؟ بيحصل لما ناكل أو نشرب حاجة فيها بكتيريا أو فيروسات أو سموم ضارة. وغالبًا بييجي بشكل مفاجئ، وبيكون أقوى من التلبك. أعراض التسمم الغذائي: إسهال شديد (أحيانًا فيه دم) ترجيع متكرر مغص جامد في البطن سخونة وصداع دوخة أو ضعف عام جفاف في الجسم الفرق بين التلبك المعوي والتسمم الغذائي: الجدول التالي بيوضح الفرق: ...

 🤔 يعني إيه كبد دهني؟ الكبد بطبيعته بيحتوي على نسبة دهون بسيطة، لكن لما الدهون دي تزيد عن الطبيعي، بنسميه كبد دهني (Fatty liver). ودي حالة شائعة جدًا خصوصًا مع قلة الحركة والأكل الدسم. في نوعين: كبد دهني بسيط (من غير التهاب). كبد دهني مع التهاب وممكن يسبب تليف مع الوقت. 🍔 الكبد الدهني والهضم... إيه العلاقة؟ الكبد ليه دور مهم جدًا في الهضم، لأنه بينتج العصارة الصفراوية اللي بتساعد في تكسير الدهون وامتصاص الفيتامينات. لما الكبد يتعب: 1. ✅ الهضم يبقى أبطأ. 2. ✅ ممكن تحس بـ: انتفاخ بعد الأكل. إحساس دايم بالشبع حتى لو أكلت قليل. إمساك أو تغيرات في البراز. 3. ✅ نقص امتصاص الفيتامينات اللي بتذوب في الدهون زي A, D, E, K. 4. ✅ أحيانًا يحصل ارتجاع أو حموضة بسبب تأثر وظيفة الكبد والمرارة. 🚨 أعراض الكبد الدهني اللي لازم تاخد بالك منها: تعب وإرهاق من غير سبب. ثقل في الجانب اليمين من البطن. انتفاخات بعد الأكل. نقص وزن أو شهية مفاجئ. تغير لون البراز أو البول. ✅ إزاي تتعامل معاه؟ قلل الدهون والسكريات. امشي يوميًا حتى لو 20 دقيقة. خفف وزنك لو في سمنة. تجنب الكحوليات (لو بتتعاطاها). راجع دكتورك ل...

لو بتحس دايمًا إن معدتك واجعاك بعد ما تاكل عيش أو مكرونة، أو بيجيلك انتفاخ وإسهال من غير سبب واضح، ممكن يكون عندك حاجة اسمها "مرض السيلياك". تعالى نعرف مع بعض هو إيه، أعراضه، ونتعامل معاه إزاي. إيه هو السيلياك؟ السيلياك هو مرض مناعي مزمن بيخلي الجسم يهاجم نفسه كل ما يدخل له جلوتين. طيب إيه هو الجلوتين؟ ده نوع بروتين موجود في القمح، الشعير، والمنتجات اللي معمولة منهم زي العيش، الكيك، البسكوت، المكرونة... إلخ. أعراض السيلياك ممكن تكون إيه؟ مغص وانتفاخ بعد الأكل إسهال أو إمساك مزمن نقص في الوزن من غير سبب أنيميا أو تعب مستمر تأخر في النمو عند الأطفال مشاكل في الجلد أو المزاج (زي الاكتئاب أو العصبية) السيلياك بيتشخص إزاي؟ لو الدكتور شَكّ في الموضوع، بيطلب تحاليل دم مخصوصة، وساعات بيحتاج منظار عشان ياخد عينة من الأمعاء ويتأكد. إزاي أتعامل لو طلع عندي سيلياك؟ مفيش علاج يقضي عليه تمامًا، لكن الحل هو إنك تبطل تاكل جلوتين خالص. يعني هتحتاج تمشي على دايت اسمه "جلوتين فري"، يعني من غير جلوتين. أكل آمن لمريض السيلياك: الرز والذرة البطاطس اللحوم والخضار والفواكه الطبيعية منتجات ...

 ناس كتير بتعاني من أمراض المرارة و بتسببلهم تعب و مشاكل كتيره. في الموضوع ده هنتكلم عن أمراض المرارة و أعراضها و ازاي بتتعالج. ١. ايه هي المرارة؟ المرارة هي عضو صغير تحت الكبد بيتخزن فيه العصاره الصفراوية الي بينتجها الكبد و بتنزل في الامعاء عشان تساعد على تكسير و امتصاص الدهون. ٢. ايه هي أسباب أمراض المرارة؟ أمراض المرارة ليها أسباب كتير زي: التهاب المرارة و ده ممكن يكون حاد أو مزمن و بيكون نتيجه حصوات المرارة أو التهاب أو ورم في الكبد أو البنكرياس و عامل ضغط على القنوات المرارية. حصوات المرارة و دي معظمها بيكون تراكم الكوليسترول فبيكون حصوه. حصوات القنوات المرارية و دي بتبقى حصوه اتحركت من المراره و سدت القنوات المرارية في اغلب الحالات. ٣. ايه هي أعراض المرارة؟ أعراض المرارة كتير زي: الم في البطن و بيبقى في النص الفوقاني من البطن أو الجزء اليمين الي فوق من البطن. غممان و ترجيع سخونيه. اسهال و ممكن يكون اكتر من ٤ مرات في اليوم البراز بيبقى لونه باهت البول ممكن يبقى لونه غامق ٤. ازاي أمراض المرارة بتتشخص؟ الدكتور بعد ما بياخد التاريخ المرضي و يعمل فحص ممكن يطلب تحاليل دم و فحوصات ...

التهاب الكبد أ أو hepatitis A هو فيروس بيصيب ناس كتير خاصه الأطفال فوق ٦ سنين. في الموضوع ده هتعرف اكتر عنه و ايه اعراضه و طرق الوقايه منه. ١. ايه طرق العدوي بالتهاب الكبد أ؟ التهاب الكبد أ بينتقل في معظم الحالات عن طريق الأكل أو الشرب الملوث الي عمله حد مصاب بفيروس التهاب الكبد أ. في حالات تانيه ممكن تتصاب انك تكون عايش مع حد عنده التهاب الكبد أ او عن طريق الجماع. ٢. ايه هي أعراض التهاب الكبد أ؟ أعراض التهاب الكبد أ شبه أعراض دور البرد من ارهاق و تعب. من أعراضه المشهوره برده هو اصفرار لون البشره او العين أو بول غامق و ممكن يكون معاه وجع في البطن أو نقصان في الوزن. في الغالب الأعراض بتظهر بعد التعرض للفيروس بدمن اسبوعين لشهر ٣. ايه هي طرق الوقايه من التهاب الكبد أ؟ طرق الوقايه من ضمنه غسيل الايدي قبل الكل و بعده و بعد الدخول للحمام. برده البعد عن الاماكن الي مش بتحافظ على النظافه الي بتقدم اكل أو شرب. ٤. هل التهاب الكبد أ خطير؟ في الأغلبيه العظمى التهب الكبد أ بيروح و مبيحصلش اي أثر ليه على كبد أو الصحه عامه. في حالات قليله جدا ممكن يحصل فشل كبدي و غالبا بيحصل للناس الي عندها مشاكل في ...

 برد المعده هو عباره عن فيروس بيصيب المعده فبيسبب الأعراض زي السخونيه و الترجيع و هنتكلم عنها بالتفصيل. ملوش علاقه بدور البرد العادي الي بيحصل نتيجه فيروس الانفلونزا. طب ايه هي اعراض برد المعده او النزله المعويه و ازاي اعالجها؟ ده الي هنتكلم عليه ١. ايه هي أعراض برد المعده؟ أعراض برد المعده بتكون سخونيه و اسهال و وجع في البطن وممكن يكون معاه ترجيع و غمه النفس و الشخص ممكن يحس انه مرهق جدا و مش قابل الاكل  ٢. ايه المشروبات الي ممكن اشربها في دور برد المعده؟ فيه مشروبات كتيره مع المياه تعوض السوايل الي جسمك بيفقدها من الترجيع و الاسهال زي النعناع و اليانسون و ممكن سفن اب عشان تعوض الاملاح الي جسمك بيفقدها. المياه و السوايل مهمه جدا في دور برد المعده عشان ميحصلش جفاف و الدور يخف اسرع ٣. طب ايه المشروبات الممنوعه في برد المعده؟ حاول تبعد عن القهوه و الشاي على قد ما تقدر عشان دول ممكن يتعبوا البطن زياده و كمان بيخلوا الشخص مينامس كويس و الواحد بيحتاج نوم كتير عشان الجسم يقدر يقاوم برد المعده و يخف اسرع ٤. و ايه هي المأكولات الي ممكن اكلها في برد المعده؟ الموز مفيد جدا و بيساعد في ت...

 ارتجاع المرئ بيحصل نتيجه ان الحمض الي في المعده بيرجع للمرئ الي هو القناه الي بتوصل الاكل و الشرب من الفم للمعده. في العادي ده مبيحصلش و الحمض بيبقى موجود في المعده بس عشان يهضم الاكل. طب ايه اعراض ارتجاع المرئ و طرق علاجه؟ ده الي هنتكلم عليه ١. ايه هي اعراض ارتجاع المرئ؟ ممكن الشخص يحس بوجع في صدره أو وجع في فم المعده الي ممكن يكون شبه وجع القلب من شدته. ممكن برده يحس بوجع في الزور أو صعوبه في البلع أو طعم حمضي ساعات في فمه أو يكون عنده كحه مزمنه. ٢. ايه طرق علاج ارتجاع المرئ؟   في كذا حاجه عشان تقلل اعراض ارتجاع المرئ ذي انك تقلل وزنك و تقلل من الحاجات الي بتزود ارتجاع المرئ زي القهوه و الشيكولاته و الشطه و الاكل المسبك خاصه بالليل. برده تحاول متنامش على ضهرك لمده ٣ ساعات بعد ما تاكل اي وجبه. حاول ترفع مخده السرير بحاجه تحتها و ده هيقلل الاعراض معاك جدا. لو بتدخن حاول تبطل أو تقلل تدخين ٣. عملت كل الحاجات دي و لسه في اعراض ارتجاع المرئ في ادويه بتقلل حموضه المعده فبالتالي بتقلل الاعراض الدكتور ممكن يكتبهالك زي كونترولوك و بيبزول و غيرهم ٤. لسه برده عندي أعراض ارتجاع المرئ ...