العيادة

 ☕ هل القهوة ترفع ضغط الدم؟ وهل مريض الضغط لازم يبطلها؟ القهوة بقت جزء أساسي من يومنا ☕ ناس كتير بتبدأ يومها بيها، وناس تانية مش بتعرف تشتغل من غيرها 😅 لكن السؤال اللي بيتكرر دايمًا: هل القهوة بتزود ضغط الدم؟ وهل مريض الضغط لازم يبطلها؟ خلينا نفهم الموضوع ببساطة 👇 ☕ هل القهوة ترفع ضغط الدم فعلًا؟ الإجابة المختصرة: ✔️ أيوه… لكن بشكل مؤقت الكافيين اللي في القهوة بيعمل: انقباض بسيط في الأوعية الدموية تنشيط الجهاز العصبي 👉 وده ممكن يرفع الضغط لفترة قصيرة (من 30 دقيقة لحد ساعتين) ⚠️ هل ده خطر؟ 👤 لو شخص طبيعي: الزيادة دي غالبًا مش خطيرة الضغط بيرجع طبيعي بسرعة 🫀 لو مريض ضغط: الموضوع يعتمد على: هل الضغط متظبط ولا لأ حساسية الجسم للكافيين 🧠 مين لازم ياخد باله؟ مرضى الضغط غير المنتظم كبار السن اللي بيحسوا بخفقان بعد القهوة اللي ضغطهم بيعلى بعد ما يشربوها ❤️ القهوة مفيدة ولا مضرة للقلب؟ المفاجأة 👇 ✔️ دراسات كتير بتقول إن القهوة باعتدال: ممكن تقلل خطر أمراض القلب تحسن النشاط والتركيز ❗ لكن: الإفراط = مشاكل (خفقان + قلق + ارتفاع ضغط) ☕ الكمية المسموحة غالبًا: 👉 من 1 لـ 2 فنجان صباحا يو...

 💡 ليه بحس بنبض في بطني؟ كتير من الناس بتسأل السؤال ده: "هو طبيعي إني أحس بنبض في بطني؟ ولا ده خطر؟" الإجابة ببساطة: في أغلب الأحيان ده طبيعي جدًا، لكن في حالات معينة ممكن يكون محتاج فحص. خلينا نفهم الموضوع بطريقة سهلة 👇 ❤️ هل ده فعلًا نبض الشريان الأورطي؟ أيوه 👌 النبض اللي حاسس بيه في بطنك غالبًا بيكون نبض الشريان الأورطي (الأبهر). الشريان ده: أكبر شريان في الجسم خارج من القلب و بيعدي في منتصف البطن فطبيعي جدًا إنك تحس بنبضه، خصوصًا لو: جسمك نحيف أو نايم على ضهرك أو مركز مع الإحساس ده 🟢 إمتى يكون النبض ده طبيعي؟ النبض في البطن غالبًا طبيعي لو: مش مؤلم مش قوي بشكل مبالغ فيه مش بيزيد مع الوقت مفيش أعراض تانية 📌 ناس كتير بتحس بيه لما: تنام بالليل في هدوء بعد الأكل مع القلق أو التوتر 🔴 إمتى نقلق من نبض البطن؟ هنا بقى لازم نركز 👇 النبض ممكن يكون علامة خطر لو: النبض قوي جدًا أو واضح زيادة عن الطبيعي في ألم في البطن أو الظهر في إحساس بنبض كأنه “بيخبط” كبر في السن (خصوصًا فوق 50 سنة) مدخن أو عندك ضغط أو كوليسترول عالي ⚠️ أخطر سبب محتمل: تمدد الشريان الأورطي في حالات نادرة، ال...

تسارع ضربات القلب بعد الأكل أو ما يسمى خفقان القلب بعد الوجبة هو عرض يشعر فيه الشخص بزيادة سرعة ضربات القلب بعد تناول الطعام. في أغلب الحالات يكون السبب طبيعيًا بسبب زيادة تدفق الدم للجهاز الهضمي، لكن في بعض الأحيان قد يكون مرتبطًا بعوامل أخرى مثل الكافيين أو ارتجاع المريء. لماذا يحدث خفقان القلب بعد الأكل؟ بعض الناس بيلاحظوا إن ضربات القلب بتزيد بعد الأكل مباشرة أو بعد الوجبة بنص ساعة تقريبًا. السبب في أغلب الحالات بيكون طبيعي، لأن الجسم بيحتاج يضخ دم أكتر للجهاز الهضمي بعد الأكل. ده ممكن يحصل بسبب: 1. زيادة تدفق الدم للهضم بعد الأكل، المعدة والأمعاء بتحتاج دم أكتر عشان تهضم الطعام، وده ممكن يخلي القلب يسرع شوية عشان يعوض. 2. الأكل الثقيل أو الدسم الوجبات الكبيرة أو اللي فيها دهون كتير ممكن تسبب: خفقان في القلب إحساس بعدم الراحة في الصدر انتفاخ أو حموضة 3. الكافيين لو الوجبة فيها: قهوة شاي شوكولاتة ممكن الكافيين يسبب زيادة ضربات القلب. 4. انخفاض ضغط الدم بعد الأكل بعض الناس، خاصة كبار السن، ممكن يحصل لهم انخفاض في ضغط الدم بعد الأكل، والجسم يعوض ده بزيادة ضربات القلب. 5. ارتجاع المريء...

 ليه مريض الضغط وهو ماشي على العلاج ضغطه ساعات عالي وساعات واطي؟ مشكلة شائعة وليها أسباب كتير… اعرفها عشان تتحكم في ضغطك صح كتير من مرضى الضغط المرتفع بيشتكوا شكوى واحدة بتتكرر: "أنا ماشي على علاج الضغط بس الضغط مش ثابت، يوم عالي ويوم واطي، وساعات بدوخ وساعات بصدع!" والحقيقة إن ده مش شيء نادر خالص، وبيحصل مع نسبة كبيرة من مرضى الضغط، حتى اللي ملتزمين بالعلاج. تعالى نفهم ليه ده بيحصل، وإمتى نقلق، وإزاي نخلي الضغط مظبوط أغلب الوقت. أولًا: الضغط مش رقم واحد ثابت أهم حاجة لازم نفهمها إن ضغط الدم بيتأثر بحاجات كتير جدًا على مدار اليوم، زي: التوتر والعصبية المجهود البدني الأكل (خصوصًا الملح) النوم الحالة النفسية شرب القهوة أو السجاير يعني طبيعي جدًا الضغط يعلى وينزل شوية، لكن المشكلة لما: يعلى قوي أو يوطى قوي أو يفضل مش مظبوط معظم الوقت ثانيًا: عدم الالتزام بالعلاج زي ما الدكتور قال دي من أكتر الأسباب انتشارا، ومش شرط يكون المريض مهمل، أحيانًا بتحصل غصب عنه. أمثلة: ينسى الجرعة ياخد الدوا في ميعاد مختلف كل يوم يوقف الدوا لما الضغط يظبط يقلل الجرعة من نفسه عشان حس بدوخة ⚠️ أدوية الضغ...

ناس كتير فاكرة إن "روماتيزم القلب" ده مرض بييجي من التعب أو الإرهاق أو البرد، لكن الحقيقة غير كده خالص! اللي مش ناس كتير تعرفه إن روماتيزم القلب بيبدأ من التهاب بسيط في الزور (اللوز)، وبعد كده جسمك هو اللي بيهاجم نفسه بالغلط! تعالوا نشرح الموضوع واحدة واحدة 👇 💢 يعني إيه روماتيزم القلب؟ روماتيزم القلب هو مضاعفة بتحصل بعد التهاب الحلق أو اللوز اللي سببه بكتيريا اسمها "استربتوكوكس" (Streptococcus). لو الالتهاب ده ما اتعالجش صح بالمضاد الحيوي المناسب، الجهاز المناعي بيبدأ يهاجم البكتيريا… بس للأسف بيغلط وبيهجم على أنسجة تانية في الجسم منها صمامات القلب 😢. يعني ببساطة: 🎯 التهاب بسيط → جسمك يرد بشكل قوي → الصمامات تتأذى → يبدأ روماتيزم القلب. ⚠️ مين أكتر ناس معرضين؟ روماتيزم القلب بيحصل أكتر في: الأطفال من ٥ لـ ١٥ سنة. اللي بيجيلهم التهابات لوز متكررة ومش بياخدوا علاج مظبوط. الناس اللي ما بتكملش كورس المضاد الحيوي. الأماكن اللي الزحمة والمعيشة فيها مش صحية (علشان العدوى بتتنقل بسرعة). يعني الموضوع مرتبط شوية بالنظافة والعلاج الصح والوعي الصحي. 😖 أعراض روماتيزم القلب ...

 إيه هو ضغط الدم وليه بيعلى؟ ضغط الدم هو القوة اللي الدم بيضغط بيها على جدار الشرايين. الطبيعي بيكون حوالي 120/80. لو الرقم بيعلى عن الطبيعي بشكل متكرر، ده اسمه ضغط دم مرتفع. الضغط العالي بيزود خطر الإصابة بالجلطات، قصور القلب، وأمراض الكلى. معظم الناس فاكرة إن العلاج الوحيد هو الأدوية، لكن الحقيقة إن فيه طرق طبيعية ممكن تساعد تقلل الضغط أو حتى تمنع إنّه يعلى من الأساس. 1- قلل الملح في الأكل الملح (الصوديوم) من أكتر الحاجات اللي بترفع الضغط. المصريين بيستخدموا الملح كتير جدًا، غير إن معظم الأكل الجاهز والمعلبات فيها كمية صوديوم عالية. لو قللت الملح تدريجيًا، جسمك هيتعود، وضغطك هينزل بشكل ملحوظ. حاول تستبدله بالليمون، التوابل الطبيعية، أو الأعشاب زي الزعتر والروزمارى. 2- كل أكل صحي أكتر الأكل ليه تأثير مباشر على الضغط. زوّد الفاكهة والخضار: غنية بالبوتاسيوم اللي بيوازن تأثير الصوديوم. اهتم بالبروتين الصحي زي السمك والفراخ المشوية. قلل من اللحوم المصنعة والدهون المشبعة. فيه نظام غذائي مشهور اسمه DASH diet معمول مخصوص لمرضى الضغط وبيجيب نتايج ممتازة. 3- حافظ على وزن صحي كل ما الوزن يز...

مش كل ألم في القلب بييجي في الصدر: اعرف العلامات اللي متتوقعهاش! 🫀 مش لازم وجع في القلب يكون في صدرك! ناس كتير لما تسمع "أزمة قلبية" أو "ذبحة صدرية"، أول حاجة بتيجي في بالهم هي وجع شديد في الصدر . وده فعلاً عرض شائع… لكن الحقيقة إن مش كل مشاكل القلب بتظهر بنفس الطريقة ! في ناس ممكن يجيلهم أزمة قلبية أو قصور في الشرايين ، ومتحسش بأي وجع في الصدر خالص! فـ لو بتحس بأي من الأعراض الجاية، خلي بالك… ممكن تكون من القلب: 🔺 أعراض غير تقليدية لمشاكل القلب: نهجان أو صعوبة في التنفس حتى مع مجهود بسيط وجع أو ضغط في الرقبة، الفك، الكتف أو الذراع تعب مفاجئ أو دوخة من غير سبب واضح غثيان أو عرق بارد خنقة أو شعور بعدم الارتياح في منطقة المعدة أو أعلى البطن في بعض الحالات، الأعراض بتكون خفيفة جدًا لدرجة إن الشخص ميبقاش واخد باله! 📌 مين الأكثر عرضة للأعراض "غير التقليدية"؟ السيدات، خصوصًا فوق سن الـ50 مرضى السكر كبار السن أي حد عنده تاريخ مرضي في العيلة بأمراض القلب 🖼️ شوف الإنفوجراف: أعراض مشاكل القلب اللي مش دايمًا بتكون ...

يعني إيه تغيير الصمام الأورطي بالقسطرة (TAVI)؟ تغيير الصمام الأورطي بالقسطرة – أو زي ما الأطباء بيسموه TAVI أو TAVR – هو إجراء حديث بيستخدموه بدل الجراحة المفتوحة، علشان يغيروا الصمام الأورطي لما يبقى ضيق أو مش شغال كويس. بدل ما نفتح الصدر بالكامل، بندخل بالقسطرة من فتحة صغيرة في الفخذ، ونركب الصمام الجديد جوه القديم. ليه الصمام الأورطي مهم؟ الصمام الأورطي هو البوابة اللي بتخرج منها الدم من القلب لباقي الجسم. لو بقى ضيق (حالة اسمها Aortic Stenosis)، القلب بيضطر يشتغل بزيادة، وده ممكن يسبب تعب، دوخة، ألم في الصدر، أو حتى فشل قلبي. مين اللي محتاج يعمل TAVI؟ كبار السن اللي مش هيستحملوا جراحة القلب المفتوح المرضى اللي عندهم أمراض تانية بتزود خطورة الجراحة الناس اللي عندهم أعراض بسبب ضيق الصمام الأورطي أحيانًا بيتعمل لمرضى متوسطي الخطورة كمان خطوات الإجراء: 1. بنخدر المريض (أحيانًا تخدير موضعي بس) 2. بندخل قسطرة من الشريان الفخذي 3. بنوصل للقلب، وبنركب الصمام الجديد جوه الصمام الأديم 4. بنختبر الشغل والتدفق 5. بنقفل الفتحة الصغيرة في الرجل مميزات TAVI: ✅ بدون جراحة قلب مفتوح ✅ وقت تعافي أسر...

🫀 أفضل أكل لمرضى القلب – حاجات يومية ببساطة كتير من الناس بيسألوا: "أنا عندي مشكلة في القلب، آكل إيه؟ وأبعد عن إيه؟" في المقال ده، هنجاوبك ببساطة وبدون تعقيد. ✅ أولًا: أكل يقوي القلب ويحافظ عليه 1. السمك (خصوصًا السلمون والسردين): فيه أوميجا 3، ودي مادة بتساعد على تقليل الالتهابات وتظبط الكوليسترول. 2. الشوفان: غني بالألياف اللي بتنظف الشرايين وبتقلل الكوليسترول الضار. 3. الخضار الورقي (زي السبانخ والجرجير): مليان مضادات أكسدة وماغنيسيوم مفيد لعضلة القلب. 4. المكسرات (كمية صغيرة): خصوصًا عين الجمل واللوز، بيقللوا من الدهون الضارة في الجسم. 5. زيت الزيتون البكر: بديل ممتاز للزيوت التانية، وبيساعد على تقليل ضغط الدم. 6. الفاكهة الغنية بالألياف (زي التفاح والتوت): مش بس طعمها حلو، كمان مفيدة للقلب والضغط. ❌ أكلات ياريت تبعد عنها: 1. اللحوم المصنعة (زي اللانشون، السوسيس): فيها دهون ومواد حافظة كتير، وبتضر الشرايين. 2. الملح الكتير: بيرفع ضغط الدم، وده بيأثر على القلب على المدى الطويل. 3. المقليات (زي البطاطس والسمبوسك): الدهون المشبعة فيها بتسد الشرايين. 4. الحلويات الكتير والسك...

 رسم القلب بالمجهود هو اختبار بنقيس فيه نشاط القلب وانت بتتحرك، وغالباً بيكون وانت ماشي على مشاية كهربا (treadmill). بنوصل جسمك بأسلاك بتقرا ضربات القلب، ونتابع التغيرات اللي بتحصل وانت بتتحرك. ليه الدكتور ممكن يطلبه؟ في حالات كتير الدكتور بيحب يطمن على القلب تحت ضغط (يعني وانت بتتحرك)، مش وانت قاعد: لو بتحس بـ وجع في صدرك لما تمشي أو تطلع سُلَّم لو عندك أعراض ذبحة صدرية لو عندك ضيق في الشرايين التاجية وعايزين نعرف درجته لو عملت عملية في القلب قبل كده وعايزين نتابعك لو عندك ضربات قلب سريعة أو غير منتظمة الاختبار بيكشف إيه؟ لو فيه نقص في الدم الواصل للقلب وقت المجهود (يعني فيه شريان ضيق) بيكشف لو فيه اضطراب في ضربات القلب بنعرف منه مدى كفاءة القلب وقت المجهود ساعات بيكون وسيلة نطمن بيها إن القلب شغال كويس قبل ما نسمح بممارسة رياضة أو نعمل عملية هل فيه خطورة؟ الاختبار آمن جداً، وبيتعمل في وجود دكتور وممرضة، وجهاز الطوارئ بيكون جاهز لو حصل أي حاجة (وده نادراً) و تكون زي الم في الصدر أو اضطراب في ضربات القلب أو تفقد الوعي و دي كلها أعراض نادره. و لازم تقول للدكتور لو: عندك مشاكل في الت...

 قسطرة القلب من اليد هي عملية جراحية بتتعمل لتصوير الشرايين التاجية الي بتغذي القلب و ممكن من خلالها بيتم عمل توسيع للشرايين التاجية أو تركيب دعامات. قسطرة القلب ممكن تتعمل من الفخد كمان. في الموضوع ده هنتكلم أكتر عن قسطرة القلب عن طريق اليد و ايه هي مميزاتها و خطواتها. ١. ايه هي خطوات قسطرة القلب من اليد؟ خطوات قسطرة القلب من اليد هي الطبيب الأول بيفحص الشريان الكعبري في الايدين و يتأكد ان مفيش مشكلة في سريان الدم فيه و بيختار الايد المناسبة أفضل للعمليه الايد بتتحط في وضعية الانبساط و بيتحط تحتها مخده صغيرة. الايد بتتعقم بمادة معقمه زي البيتادين. الدكتور ممكن يعطى دوا مهدئ و بعدين بيحقن بنج موضعي في الايد و المريض بيبقى فايق خلال العملية. الدكتور بيحط حاجه زي الكانيولا اسمها شيث في الشريان و الي من خلالها بيدخل قسطرة القلب عشان يصور الشرايين التاجية و ممكن يعمل اجراء علاجي زي توسيع الشرايين بالبالون أو تركيب دعامات. بعد العملية الدكتور بيحط حاجة زي الساعة بتضغط على مكان الشيث و بيشيل الشيث و بيسيب الساعه الي ضاغطه و بيتخف عليها بالتدريخ في الساعات الي بعد العملية لغاية لما تتشال ...

ارتفاع ضغط الشريان الرئوي هو مرض خطير بييجي لبعض الناس و لازم يتشخص صح عشان يتعالج بالطريقه المناسبه. الشريان الرئوي هو الشريان الي بيودي الدم من البطين الأيمن للرئه عشان يوصل اكسجين للدم و بعدها الدم بيرجع من الرئه للأذين الأيسر و بعدين البطين الأيسر و يروح على أعضاء الجسم عشان يغذيها بالكسجين. ارتفاع ضغط الشريان الرئوي بيحصل نتيجه لأسباب كتير هنتكلم عنها بالتفصيل ١. ايه هي أسباب ارتفاع ضغط الشريان الرئوي؟ فيه أسباب كتير جدا و متقسمه لخمس أنواع: النوع الأول: ده الي بيكون بسبب عيب خلقي زي ثقب في القلب أو مرض مناعي أو تليف في الكبد زي نتيجه بلهارسيا أو وراثي أو ممكن يكون بدون سبب. النوع التاني: ده بيبقى نتيجه مشكله في الجانب الأيسر من القلب زي ضعف في عضله القلب أو مشكله في الصمام الميترالي أو الأورطي زي ارتجاع أو ضيق أو رفرفه أذينيه. النوع التالت: ده بيبقى نتيجه مشكله في الرئه زي حساسيه الصدر أو سده رئويه مزمنه أو تليف بالرئه. النوع الرابع: ده بيبقى نتيجه حصول جلطه قديمه في الشريان الرئوي و اتكلمنا عن جلطه الرئه في مقال سابق . النوع الخامس: ده ليه كذا سبب زي أمراض الدم أو أمراض الغده ال...

 نغزات القلب في سن الشباب مشكله بتواجه ناس كتير و مبيكونوش عارفين ايه اسبابها. في الموضوع ده هنتكلم عن سبب نغزات القلب في سن الشباب الي ممكن بتكون مفاجئه و بتسبب الم شديد. ١.ايه هي اسباب نغزات القلب في الشباب؟ في اسباب كتيره جدا زي: جلطه أو ذبحه في القلب و دي الأخطر من الأسباب و  غالبا بيبقى الألم بتاعها شديد و مبتقدرش تحدد مكانه بالظبط و بيبقى في الصدر عباره عن تقل أو حرقان أو وجع و ممكن يسمع في مكان تاني زي الكتف الشمال أو الذراع أو الظهر أو الرقبه و في الغالب بيقعد كام دقيقه مبيبقاش لحظه و يروح و بيزيد مع المجهود و بيتكرر اكتر من مره. ارتجاع المرئ أو عسر هضم و ده بيبقى الألم بتاعه حرقان في الصدر و ممكن يتشابه مع أعراض جاطه أو ذبحه القلب. شد في عضلات الصدر أو الم في عضم الصدر و ده ممكن بيكون نتيجه انك شيلت حاجه تقيله أو اتخبط في الصدر و في الغالب الم شديد او نغزه مفاجئه. أمراض الصدر زي التهاب في الغشاء الي حوالين الرئة و ده بيعمل الم او نغزه شديده مفاجئه و بيزيد مع النفس أو مع الكحه. في اسباب تانيه زي التهاب الصدر و حساسية الصدر و  غيرها. نوبات الهلع أو التوتر الشديد و ...

 جلطة الرئة أو جلطة الشريان الرئوي دي مشكلة صحية خطيره بتواجه بعض الناس. في الموضوع ده هنتكلم عن جلطة الرئة وإيه هي أعراضها وإزاي بتتشخص والدكتور بيدي لها علاج إيه ١. ايه هي جلطه الرئه؟ جلطة الرئة بتكون عبارة عن إن في تجلط بيحصل في الشريان الرئوي إللي بيغذي الرئه فده ممكن يسبب في ضرر أو تلف في الرئة. ٢. ايه هي اسباب جلطه الرئه؟ جلطة الرئة بتحصل نتيجة إن في تجلط في الأوردة في الجسم والجلطات دي بتتحرك للشريان الرئوي. في الأغلب التجلطات دي بتحصل في أوردة الساقين نتيجة اسباب مختلفة زي: • كسر في الرجل او الحوض • عدم الحركه لأي سبب لفتره كام يوم • الادويه المضاده للسرطان ممكن تزود احتمال جلطات الساقين. ٣. ايه هي اعراض جلطه الرئه؟ أعراض جلطة الرئة كتير زي • نفس سريع • وجع في الصدر • ضربات قلب ملخبطه او سريعه • نبض ضعيف • دوخه او هبوط ٤. ازاي الدكتور بيشخص جلطه الرئه؟ الدكتور لو اشتبه في جلطة الرئة ممكن يطلب تحاليل و فحوصات زي أشعة مقطعية على شرايين الرئة بالصبغة ودي إللي ممكن تبين الجلطة إللي في الشريان الرئوي و دي بيستخدم فيها صبغة فعشان كده مبتستخدمش في الناس إللي عندهم ...