التخطي إلى المحتوى الرئيسي

قسطرة القلب من اليد: المميزات، الخطوات، وهل فعلاً أسهل من الفخذ؟

 قسطرة القلب من اليد هي عملية جراحية بتتعمل لتصوير الشرايين التاجية الي بتغذي القلب و ممكن من خلالها بيتم عمل توسيع للشرايين التاجية أو تركيب دعامات. قسطرة القلب ممكن تتعمل من الفخد كمان. في الموضوع ده هنتكلم أكتر عن قسطرة القلب عن طريق اليد و ايه هي مميزاتها و خطواتها.

١. ايه هي خطوات قسطرة القلب من اليد؟

خطوات قسطرة القلب من اليد هي

  • الطبيب الأول بيفحص الشريان الكعبري في الايدين و يتأكد ان مفيش مشكلة في سريان الدم فيه و بيختار الايد المناسبة أفضل للعمليه
  • الايد بتتحط في وضعية الانبساط و بيتحط تحتها مخده صغيرة.
  • الايد بتتعقم بمادة معقمه زي البيتادين.
  • الدكتور ممكن يعطى دوا مهدئ و بعدين بيحقن بنج موضعي في الايد و المريض بيبقى فايق خلال العملية.
  • الدكتور بيحط حاجه زي الكانيولا اسمها شيث في الشريان و الي من خلالها بيدخل قسطرة القلب عشان يصور الشرايين التاجية و ممكن يعمل اجراء علاجي زي توسيع الشرايين بالبالون أو تركيب دعامات.
  • بعد العملية الدكتور بيحط حاجة زي الساعة بتضغط على مكان الشيث و بيشيل الشيث و بيسيب الساعه الي ضاغطه و بيتخف عليها بالتدريخ في الساعات الي بعد العملية لغاية لما تتشال تماما.

٢. ايه هي مميزات قسطرة القلب من اليد؟

قسطرة القلب من اليد ليها مميزات كتير و هي الي بينصح بيها معظم جمعيات القلب العالمية زي جمعية القلب الأوروبية و ليها مميزات زي:
  • مضاعفات أقل زي النزيف و التجمعات الدموية مش زي قسطره القلب من الفخد الي ممكن يحصل منها مضاعفات أكتر زي النزيف.
  • المريض يقدر يتحرك مش ذي قسطرة القلب عن طريق الفخد الي المريض بيضطر يفضل نايم و ميتحركش لمده من ٦ ساعات ل١٢ ساعه على حسب طبيعة العملية.

٣. امتى الدكتور ممكن ميعملش قسطره القلب من اليد و يعملها من الفخد؟

في أسباب كتير بتخلي الدكتور يتستبعد قسطرة القلب من اليد و يعملها من الفخد زي:
  • مشكله في شرايين اليد زي ضيق أو سدد أو اعوجاج في الشرايين 
  • في عمليات معقدة زي تركيب دعامتين في بعض أو تكس شديد في الشرايين و غيرها ممكن الدكتور يفضل قسطره القلب من الفخد و مش من اليد لأنها بتساعده أكتر.
  • حصول مضاعفه من قسطرة القلب زي تقلص الشريان على القسطرة فساعتها الدكتور مبيقدرش يكمل العملية من اليد و يضطر يكمل من شريان الفخد

٤. المريض بيروح بعد اد ايه من عمل قسطره القلب من اليد؟

في القسطره التشخيصية من خلال اليد الي مبيبقاش فيها تدخل علاجي ممكن المريض يروح بعد ساعات لكن لو تم عمل توسيع أو تركيب دعامات في الشرايين التاجية ممكن المريض يقعد في المستشفى فترة أكبر للملاحظة و ممكن يبات و يروح تاني يوم و ده الدكتور الي بيحدده طبقا لطبيعة العملية.

اتمني ان تكونوا عرفتوا أكتر عن قسطرة القلب من اليد و ايه هي مميزاتها و خطواتها. اعملوا شير للموضوع عشان الناس تعرف أكتر غن قسطرة القلب من اليد  

قسطرة القلب من اليد


Labels:

المقالات الشعببية في موقع العيادة

التنميل في الجسم: أسبابه، ومتى يكون خطير، وطرق التعامل معه

 أسباب التنميل في الجسم وطرق بسيطة للتعامل معاه التنميل هو إحساس غريب بيحصل في جزء من الجسم – زي الإيد، الرجل، أو حتى الوجه – بيخليك تحس إن المكان ده كأنه "نايم" أو فيه شكشكة أو لسعة بسيطة. كتير من الناس بيحصل معاهم من وقت للتاني، لكن السؤال: إمتى التنميل يكون عادي؟ وإمتى نبدأ نقلق؟ ❗ إمتى التنميل يبقى خطر؟ لو التنميل مفاجئ وفي نص الجسم بس. لو معاه ضعف أو صعوبة في الحركة أو الكلام أو الرؤية. لو مستمر لفترات طويلة. في الحالات دي لازم تروح للدكتور فورًا. 🧠 الأسباب الشائعة للتنميل 1. الجلوس أو النوم غلط: زي لما تنام على دراعك أو رجلك فترة طويلة، فالدورة الدموية بتضعف مؤقتًا. 2. نقص فيتامينات (خصوصًا B12): فيتامين B12 مهم جدًا لصحة الأعصاب، ونقصه بيعمل تنميل وضعف إحساس. 3. السكري: ارتفاع السكر لفترة طويلة بيأثر على الأعصاب الطرفية. 4. مشاكل في العمود الفقري: زي الديسك أو الضغط على الأعصاب. 5. القلق والتوتر: ممكن يسببوا تنميل أو وخز نتيجة شد العضلات وتوتر الأعصاب. 6. أمراض عصبية أو مناعية: زي التهاب الأعصاب أو التصلب المتعدد. 7. الجلطات: التنميل المفاجئ في نصف الجسم مع أعراض أخرى...
اقرأ المزيد

نزلات البرد عند الأطفال: الأسباب والعلاج وأخطاء الأمهات اللي بتزود التعب

 نزلات البرد عند الأطفال من أكتر الحاجات اللي بتخوف كل أم، خصوصًا في الشتاء. كل شوية تلاقي الطفل عنده كحة، رشح، أو سخونية، ومش عارفة ده برد عادي ولا حاجة تانية محتاجة دكتور. في المقال ده هنفهم سوا كل حاجة عن نزلات البرد عند الأطفال بطريقة بسيطة ومن غير تعقيد. 🌧️ أولاً: يعني إيه نزلة برد؟ نزلة البرد هي عدوى فيروسية بتصيب الأنف والحلق، يعني الجهاز التنفسي العلوي. بتحصل بسبب فيروسات زي الـراينو فيروس و الكورونا فيروس (مش شرط كورونا بتاعة الجائحة، دي عيلة كبيرة من الفيروسات). والبرد بيتنقل بسهولة جدًا بين الأطفال خصوصًا في الحضانة أو المدرسة، لأنهم بيلمسوا بعض كتير وبيتبادلوا الألعاب. 🤧 الأعراض اللي ممكن تظهر على الطفل الأعراض بتبدأ خفيفة وبعدين تزيد شوية مع الوقت، وغالبًا بتكون: انسداد أو رشح من الأنف. كحة بسيطة بتزيد بالليل. سخونية خفيفة (أقل من 38.5). صداع أو وجع خفيف في الجسم. ضعف في الشهية ونوم أكتر من العادي. في بعض الأطفال ممكن الأعراض تطول من ٧ لـ١٠ أيام، وده طبيعي لو الحالة بسيطة. 🧠 الفرق بين البرد والأنفلونزا كتير من الأمهات بتتلخبط بين البرد والأنفلونزا، لكن فيه فرق: البر...
اقرأ المزيد

نظام الطيبات: إيه الصح وإيه الغلط؟ الحقيقة الطبية عن المسموحات والممنوعات

نظام الطيبات: إيه الصح وإيه الغلط؟ الحقيقة الطبية وراء المسموحات والممنوعات هل نظام الطيبات فعلاً صحي؟ وهل فعلاً لازم نبعد عن الفراخ والبيض واللبن والبقوليات والخضار؟ وهل ممكن الصيام وخل القصب يعالجوا الأمراض؟ في الفترة الأخيرة انتشر جدًا على السوشيال ميديا ما يُعرف باسم نظام الطيبات ، وبقى ناس كتير بتسأل: هو النظام ده صحي فعلًا؟ وإيه الأكل المسموح والممنوع فيه؟ وهل كل الكلام اللي بيتقال عنه مبني على أبحاث علمية؟ الحقيقة إن الصورة محتاجة شوية تفصيل. في نظام الطيبات فيه أفكار ممكن تكون مفيدة فعلًا، زي تقليل الأكل المصنع، وتقليل الإفراط في الأكل، والاهتمام بالأكل الطبيعي. لكن في نفس الوقت، فيه قواعد تانية شديدة جدًا، زي منع مجموعات غذائية كاملة بدون سبب طبي واضح، ومنع بعض الفواكه والخضروات والبقوليات والبيض والدواجن، بل وانتشرت أيضًا معلومات عن عدم تناول بعض الأدوية أثناء اتباع النظام. ودي نقطة مهمة جدًا: مش كل حاجة اتقالت باسم "نظام الطيبات" معناها إنها مثبتة علميًا أو مناسبة لكل الناس. أولًا: إيه هو نظام الطيبات؟ نظام الطيبات هو نمط غذائي اشتهر في مصر والعالم العربي، ...
اقرأ المزيد

حصوات الكلى: أعراضها وأسبابها وطرق الوقاية

 حصوات الكلى من المشاكل الشائعة اللي بتصيب ناس كتير في مختلف الأعمار، وبتسبب ألم شديد ومفاجئ بيخلي المريض يروح المستشفى على طول. ورغم إن تكوين الحصوات ممكن يحصل لأي حد، إلا إن في عوامل بتزود فرص الإصابة بيها. في المقال ده هنوضح بشكل مبسط: إيه هي حصوات الكلى، أسبابها، أعراضها، مضاعفاتها، وأبسط الطرق اللي تساعدك تقي نفسك منها. إيه هي حصوات الكلى وإزاي بتتكون؟ حصوات الكلى هي كتل صلبة بتتكون نتيجة تراكم الأملاح والمعادن في البول. في الطبيعي، البول بيحتوي على مواد بتمنع تكوين البلورات، لكن لو تركيز الأملاح والمعادن زاد عن الحد، تبدأ تتجمع وتعمل حصوة. الحصوات ممكن تكون صغيرة جدًا وتعدي مع البول من غير ما تحس بيها، وممكن تكبر وتسد الحالب أو تسبب ألم شديد. أنواع حصوات الكلى 1. حصوات الكالسيوم: ودي الأكثر شيوعًا. 2. حصوات حمض اليوريك: بتحصل أكتر عند الناس اللي بياكلوا بروتين حيواني كتير. 3. حصوات ستروفايت: بتتكون بعد التهابات بولية متكررة. 4. حصوات سيستين: نوع نادر بيظهر عند بعض الحالات الوراثية. الأعراض المبكرة لحصوات الكلى مش كل حصوة بتعمل أعراض، لكن في علامات لازم تاخد بالك منها: ألم مفا...
اقرأ المزيد

اللولب النحاسي والهرموني: الفرق بينهم وأخطر الأضرار اللي لازم تعرفيها

اللولب النحاسي والهرموني: الفرق بينهم وأخطر الأضرار اللي لازم تعرفيها لو بتفكري في وسيلة منع حمل طويلة المدى ومضمونة، أكيد سمعتي عن "اللولب"، سواء النحاسي أو الهرموني. وكتير من الستات بيترددوا يركبوه بسبب الخوف من الألم أو الأضرار. في المقال ده، هنتكلم ببساطة عن الفرق بين النوعين، وإيه الأعراض الجانبية اللي ممكن تحصلك، وإزاي تختاري اللي يناسبك. يعني إيه لولب؟ اللولب هو جهاز صغير على شكل حرف T، بيتحط جوه الرحم علشان يمنع الحمل. بيتركب عن طريق دكتورة نسا، وبيفضل شغال سنين من غير ما تحتاجي تعملي حاجة كل يوم. فيه نوعين معروفين: اللولب النحاسي اللولب الهرموني الفرق بين اللولب النحاسي والهرموني 1. اللولب النحاسي ده بيكون مغلف بالنحاس، وبيشتغل من غير هرمونات. النحاس بيغير طبيعة الرحم ويخلي الحيوانات المنوية تموت قبل ما توصل للبويضة. بيفضل شغال من 5 لـ 10 سنين حسب النوع. 2. اللولب الهرموني بيفرز هرمون اسمه "بروجيستيرون"، وده بيقلل من سُمك بطانة الرحم، وبيمنع التبويض في بعض الحالات. كمان بيخلي عنق الرحم مقفول عشان يمنع دخول الحيوانات المنوية. بيشتغل من 3 لـ 5 سنين. أضرار الل...
اقرأ المزيد