التخطي إلى المحتوى الرئيسي

أعراض برد المعده و ازاي تعالجها

 برد المعده هو عباره عن فيروس بيصيب المعده فبيسبب الأعراض زي السخونيه و الترجيع و هنتكلم عنها بالتفصيل. ملوش علاقه بدور البرد العادي الي بيحصل نتيجه فيروس الانفلونزا.

طب ايه هي اعراض برد المعده او النزله المعويه و ازاي اعالجها؟ ده الي هنتكلم عليه

١. ايه هي أعراض برد المعده؟

أعراض برد المعده بتكون سخونيه و اسهال و وجع في البطن وممكن يكون معاه ترجيع و غمه النفس و الشخص ممكن يحس انه مرهق جدا و مش قابل الاكل 

٢. ايه المشروبات الي ممكن اشربها في دور برد المعده؟

فيه مشروبات كتيره مع المياه تعوض السوايل الي جسمك بيفقدها من الترجيع و الاسهال زي النعناع و اليانسون و ممكن سفن اب عشان تعوض الاملاح الي جسمك بيفقدها. المياه و السوايل مهمه جدا في دور برد المعده عشان ميحصلش جفاف و الدور يخف اسرع

٣. طب ايه المشروبات الممنوعه في برد المعده؟

حاول تبعد عن القهوه و الشاي على قد ما تقدر عشان دول ممكن يتعبوا البطن زياده و كمان بيخلوا الشخص مينامس كويس و الواحد بيحتاج نوم كتير عشان الجسم يقدر يقاوم برد المعده و يخف اسرع

٤. و ايه هي المأكولات الي ممكن اكلها في برد المعده؟

الموز مفيد جدا و بيساعد في تقليل الاسهال و بيعوض الاملاح الي بتفقدها. الرز الابيض برده بيقلل الاسهال و فيه كربوهيدرات الي هي مصدر الطاقه للجسم. كمان العيش التوست بالتحديد خفيف على المعده

٥. و ايه المأكولات الي ابعد عنها؟

حاول تبعد عن الاكل المشطشط و عن العيش الفينو عشان تقيل على المعده. برده ابعد عن الحوادق و الاكل المسبك و منتجات الالبان في دور برد المعده

٦. هل ابتدي مضاد حيوي اول لما يجيلي برد المعده عشان اخف بسرعه؟ 

لأ. دا فيروس بيصيب المعده و الجسم بيقاومه و بيقدر يتغلب عليه مع الراحه و شرب سوايل كتبر و تخفيف الاكل المتعب للمعده. فلو خدت علاج من الاول زي المضاد الحيوي فده ملوش لازمه لأن دي عدوى فيروس في الأغلب و المضاد الحيوي بيشتغل على البكتيريا و ممكن يزود تعب المعده  

٧. معنى كده ماخدش علاج خالص في برده المعده؟

لأ ممكن تاخد طبعا لو فيه سخونيه مبتنزلش خافض حراره زي البنادول او البارامول و بلاش الادويه الي فيها بروفين زي كاتافاست لأن دي ممكن تتعب الكلى خاصه انك ممكن يكون عندك نقص سوايل من دور برد المعده. ممكن برده الدكتور يكتبلك على برشام للترجيع لو ما بيقلش.

٨. طيب امتى اروح للدكتور لو عندي برد معده؟

في العادي مع الراحه و السوايل المفروض تبتدي تحس بتحسن في خلال يومين. لو حسيت انك مدروخ جامد او الحراره اعلى من ٣٨.٥ او الاعراض مبتتحسنش او بتسوء بعد يومين لازم تروح للدكتور.

دور برد المعده دور سخيف و كلنا بنتعرضله فلو جالك حاول تتبع النصايح الي قولناها و تحاول تريح راحه تامه و تنام كويس عشان جسمك يقدر يتغلب على برد المعده في اسرع وقت ان شاء الله.

اعمل شير لو عجبك الموضوع و عشان تنشر المعلومات و متنساش تسيب تعليق تحت.

أعراض برد المعده

 

التسميات:

تعليقات

إرسال تعليق

المشاركات الشائعة من هذه المدونة

مشاكل النوم عند الحوامل: ليه بتحصل وازاي تتغلبي عليها؟

 أغلب الحوامل بيشتكوا من مشاكل في النوم، خصوصًا في التلت التاني والتالت من الحمل. الدراسات بتقول إن حوالي ٧٥٪ من السيدات الحوامل بيعانوا من صعوبة في النوم في مرحلة ما من الحمل، وده بيأثر على صحتهم النفسية والجسدية وكمان على تطور الجنين. طيب ليه النوم بيتأثر وقت الحمل؟ في أسباب طبية معروفة بتأثر على النوم خلال الحمل، وأهمها: 1. تغيّرات هرمونية: هرمون البروجسترون بيزيد بشكل كبير، وده بيأثر على دورة النوم الطبيعية وبيسبب نعاس بالنهار وأرق بالليل. 2. كثرة التبول: الرحم بيضغط على المثانة، وده بيخلي الحامل تصحى كتير تدخل الحمام، خاصة في آخر الليل. 3. الحموضة وارتجاع المريء: بسبب ارتخاء عضلة المريء وزيادة ضغط الرحم على المعدة، بتحصل حموضة وحرقة، وده بيخلي النوم صعب. 4. آلام الظهر وتقلصات الرجلين: نتيجة زيادة الوزن وتغيّر مركز الثقل في الجسم. 5. القلق والتوتر: الخوف من الولادة أو من مسؤولية الأمومة ممكن يسبب أرق. 6. مشاكل التنفس أثناء النوم: زي انقطاع النفس أثناء النوم (Sleep apnea)، وده ممكن يحصل خصوصًا لو في وزن زائد. نصائح طبية لتحسين النوم عند الحوامل: نامي على جنبك الشمال. الوضع ده بي...
إرسال تعليق
قراءة المزيد

الفرق بين الفيتامينات الطبيعية والمصنعة: تاخد إيه فيهم وليه؟

 كلنا بنسمع عن الفيتامينات وأهميتها لصحة الجسم، بس هل فيه فرق بين الفيتامينات اللي بناخدها من الأكل، واللي موجودة في الأقراص أو المكملات؟ في المقال ده، هنعرف الفرق بينهم، وإيه الأحسن لجسمك. يعني إيه فيتامينات طبيعية؟ الفيتامينات الطبيعية هي اللي بناخدها من الأكل زي الخضار، الفاكهة، اللحمة، اللبن، والبيض. الجسم بيستفيد منها بنسبة كبيرة لأنها بتيجي في صورة طبيعية ومعاها عناصر تانية بتساعد على الامتصاص زي الألياف والمعادن. والفيتامينات المصنّعة؟ دي اللي بتتباع في الصيدليات على شكل أقراص، كابسولات، أو بودر. بيتم تصنيعها في المعامل وبتكون أحيانًا شبه الطبيعية، وأحيانًا تانية صناعية خالص. إيه الفرق الحقيقي؟ 1. الامتصاص: الجسم بيمتص الفيتامينات الطبيعية بشكل أحسن، لأن فيها مكوّنات طبيعية بتسهل الامتصاص. أما المصنعة، مش دايمًا الجسم يمتصها بالكامل. 2. الأمان: لو أخدت الفيتامينات الطبيعية من الأكل، صعب تزوّد الجرعة وتضر نفسك. لكن مع المصنعة، الجرعة الزايدة ممكن تضر الجسم. 3. الفعالية: فيتامين C مثلًا من البرتقال بيشتغل في الجسم بشكل أحسن من اللي في الأقراص، لأنه بييجي مع مواد مضادة للأكسدة....
إرسال تعليق
قراءة المزيد

قسطرة القلب من اليد. خطواتها و مميزاتها

 قسطرة القلب من اليد هي عملية جراحية بتتعمل لتصوير الشرايين التاجية الي بتغذي القلب و ممكن من خلالها بيتم عمل توسيع للشرايين التاجية أو تركيب دعامات. قسطرة القلب ممكن تتعمل من الفخد كمان. في الموضوع ده هنتكلم أكتر عن قسطرة القلب عن طريق اليد و ايه هي مميزاتها و خطواتها. ١. ايه هي خطوات قسطرة القلب من اليد؟ خطوات قسطرة القلب من اليد هي الطبيب الأول بيفحص الشريان الكعبري في الايدين و يتأكد ان مفيش مشكلة في سريان الدم فيه و بيختار الايد المناسبة أفضل للعمليه الايد بتتحط في وضعية الانبساط و بيتحط تحتها مخده صغيرة. الايد بتتعقم بمادة معقمه زي البيتادين. الدكتور ممكن يعطى دوا مهدئ و بعدين بيحقن بنج موضعي في الايد و المريض بيبقى فايق خلال العملية. الدكتور بيحط حاجه زي الكانيولا اسمها شيث في الشريان و الي من خلالها بيدخل قسطرة القلب عشان يصور الشرايين التاجية و ممكن يعمل اجراء علاجي زي توسيع الشرايين بالبالون أو تركيب دعامات. بعد العملية الدكتور بيحط حاجة زي الساعة بتضغط على مكان الشيث و بيشيل الشيث و بيسيب الساعه الي ضاغطه و بيتخف عليها بالتدريخ في الساعات الي بعد العملية لغاية لما تتشال ...
إرسال تعليق
قراءة المزيد

رسم القلب بالمجهود: بيتعمل ليه؟ وبيكشف إيه؟

 رسم القلب بالمجهود هو اختبار بنقيس فيه نشاط القلب وانت بتتحرك، وغالباً بيكون وانت ماشي على مشاية كهربا (treadmill). بنوصل جسمك بأسلاك بتقرا ضربات القلب، ونتابع التغيرات اللي بتحصل وانت بتتحرك. ليه الدكتور ممكن يطلبه؟ في حالات كتير الدكتور بيحب يطمن على القلب تحت ضغط (يعني وانت بتتحرك)، مش وانت قاعد: لو بتحس بـ وجع في صدرك لما تمشي أو تطلع سُلَّم لو عندك أعراض ذبحة صدرية لو عندك ضيق في الشرايين التاجية وعايزين نعرف درجته لو عملت عملية في القلب قبل كده وعايزين نتابعك لو عندك ضربات قلب سريعة أو غير منتظمة الاختبار بيكشف إيه؟ لو فيه نقص في الدم الواصل للقلب وقت المجهود (يعني فيه شريان ضيق) بيكشف لو فيه اضطراب في ضربات القلب بنعرف منه مدى كفاءة القلب وقت المجهود ساعات بيكون وسيلة نطمن بيها إن القلب شغال كويس قبل ما نسمح بممارسة رياضة أو نعمل عملية هل فيه خطورة؟ الاختبار آمن جداً، وبيتعمل في وجود دكتور وممرضة، وجهاز الطوارئ بيكون جاهز لو حصل أي حاجة (وده نادراً) و تكون زي الم في الصدر أو اضطراب في ضربات القلب أو تفقد الوعي و دي كلها أعراض نادره. و لازم تقول للدكتور لو: عندك مشاكل في الت...
إرسال تعليق
قراءة المزيد

أكلات بتتعب الكلى من غير ما تحس – خلي بالك قبل فوات الأوان

أكلات بتتعب الكلى وإنت مش واخد بالك! كتير مننا بياكل حاجات كل يوم وهو فاكر إنها عادية، بس الحقيقة إنها ممكن تبقى بتضغط على الكلى جامد، ومع الوقت بتعمل مشاكل كبيرة واحنا مش حاسين. تعالى نشوف أهم الأكلات اللي لازم نخلي بالنا منها: 1. اللحوم المصنعة (زي اللانشون، السوسيس، البرجر الجاهز) الحاجات دي مليانة صوديوم ومواد حافظة، ودي بتزود العبء على الكلى بشكل كبير، خصوصًا لو بناكلها كتير. 2. الملح الكتير أي أكل مالح بزيادة (زي المخلل، الشيبسي، الأندومي) بيرفع ضغط الدم، وده بيأثر مباشرة على الكلى. الكلى بتحاول تتخلص من الصوديوم الزيادة، وده بيتعبها مع الوقت. 3. المشروبات الغازية خصوصًا الغامقة، لأنها بتحتوي على فوسفور صناعي وده ممكن يبوظ توازن المعادن في الجسم ويأثر على الكلى. وفيه دراسات ربطت بينها وبين زيادة خطر الإصابة بالفشل الكلوي. 4. الأكلات الغنية بالبروتين الحيواني بشكل مبالغ فيه زي اللحمة الحمرا بكميات كبيرة، أو الأنظمة الغذائية اللي فيها بروتين عالي أوي. الكلى بتتعب علشان تتخلص من نواتج تكسير البروتين. فلو عندك مقدمات لمشاكل الكلى، لازم توازن أكلك. 5. المحليات الصناعية في بعض الدراسات...
إرسال تعليق
قراءة المزيد