التخطي إلى المحتوى الرئيسي

النقرس: أسبابه وأعراضه وطرق العلاج والوقاية منه

 النقرس هو نوع من انواع الالتهابات الي بتصيب المفاصل و بتسبب ازعاج كبير للي عنده. في للموضوع ده هنتكلم اكتر عن النقرس و الاكل الي بيسببه و ازاي نعالجه بطريقه صح.

١. ايه هي اسباب النقرس؟

النقرس بيحصل نتيجه تكوين كريستالات من حمض اليوريك و بتترسب في المفاصل زي مفصل الصباع الكبير في الرجل او مفصل القدم او الايد او مفصل الركبه. حمض اليوريك في الطبيعي بيدوب و بينزل من الكلى فزياده حمض اليوريك بيكون يا اما زياده تكوين الجسم ليه و ده بيكون بسبب زياده مصادره من الاكل او الكلي مبتفرزش حمض اليوريك كويس.

٢. مين الناس المعرضه اكتر لمرض النقرس؟

الناس المعرضه للنقرس اكتر الي عندهم زياده في الوزن او عندهم وراثي في العيله او عندهم امراض مزمنه زي الضغط و السكر او الي باخدوا ادويه بتزود النقرس زي ادويه معينه من ادويه الضغط. في العموم الرجاله معرضين اكتر للنقرس و بيجيلهم غالبا من سن ٣٠ ل ٥٠ بس الستات نسبه ان يجيلهم نقرس بتزيد بعد سن الطمث.

٣. ايه الاكل الممنوع في النقرس؟

في اكلات معينه بتزود نسبه حمض اليوريك و المفضل الابتعاد عنها زي اللحمه الحمرا و الوز و البط و التونا.

٤. طيب و ايه المشروبات الممنوعه في النقرس؟

مهم جدا الابتعاد عن المشروبات الي بيتحط عليها سكر خارجي و العصاير المصنعه لانها بتسبب زياده في حمض اليوريك ده غير انها بتسبب زياده في الوزن و بتضر بالشخص الي عنده سكر 

٥. هل الشاي و القهوه ممنوعين في النقرس؟

لا مش ممنوعين الا لو محطوط عليهم سكر من بره زي ما قولنا و هي دي المشكله فيهم مش المشكله في القهوه و الشاي. بل بالعكس القهوه ممكن تقلل النقرس.

٦. ايه الاكل و الشرب للنقرس عشان يقلله؟

في العموم المفروض تاكل وجبات صحيه متوازنه و تشرب مياه كتير و تزود من الخضروات و الفاكهه و تبعد عن المشروبات الي بتحط عليها سكر من بره. الدراسات اثبتت برده ان الاكل الي فيه فيتامين سي زي البرتقال و الليمون بيقلل نسبه حدوث النقرس. برده الكريز فيه مضادات للأكسده و ممكن يساعد مع النقرس 

٧. ايه الادويه الي ممكن تتاخد عشان النقرس؟

الدكتور ممكن يكتبلك ادويه عشان الالم زي المسكنات منها بروفين او بارسيتامول. ممكن برده يكتبلك ادويه تقلل الالتهاب في المفاصل في وقت الالم زي الكولشيسين و ممكن يكتب ادويه عشان تمنع حدوث النقرس تاني زي الزيلوريك و الفيبيوريك. 

اتمني تكونوا استفدتوا من الموضوع ده و عرفتوا اكتر عن النقرس و ازاي تتعاملوا معاه و ايه الاكل و الشرب الي المفروض تبعدوا عنه. لو عجبك الموضوع يا ريت تعمل شير عشان تنتشر المعلومه.

ممكن كمان يعجبك مقالنا عن انيميا نقص الحديد

النقرس

 

Labels:

تعليقات

إرسال تعليق

المقالات الشعببية في موقع العيادة

جدول التطعيمات للأطفال في مصر 2025: المواعيد، التطعيمات الأكثر تعبًا، التطعيمات الاختيارية، ونصائح ما بعد التطعيم

‎تطعيم الأطفال من أهم الطرق لحمايتهم من أمراض خطيرة زي الحصبة، الدفتيريا، والسعال الديكي. كتير من الأمهات بتسأل: جدول التطعيمات في مصر 2025 إيه؟ التطعيم ده متعب؟ ألبس طفلي إيه؟ وأتعامل إزاي مع السخونية أو الألم بعد التطعيم؟ ‎في المقال ده هتلاقي كل الإجابات: جدول التطعيمات الإجبارية والاختيارية، النصائح بعد التطعيم، وصفات شعبية آمنة، وأهم الأسئلة الشائعة عند كل أم. ‎📌 جدول التطعيمات الإجبارية للأطفال في مصر 2025 ‎دي التطعيمات المجانية في الوحدات الصحية، الضرورية لحماية الطفل من أمراض خطيرة. ‎👶 عند الولادة ‎شلل الأطفال نقط ‎الدرن (BCG) ‎الجرعة الصفرية من فيروس B ‎📅 عمر شهرين ‎الخماسي: سعال ديكي + دفتيريا + تيتانوس + Hib ‎شلل الأطفال نقط وحقن (IPV) ‎روتا ‎فيروس B ‎📅 عمر 4 شهور ‎الخماسي ‎شلل الأطفال نقط وحقن ‎روتا ‎📅 عمر 6 شهور ‎الخماسي ‎شلل الأطفال نقط وحقن ‎روتا (الجرعة الأخيرة) ‎فيروس B ‎📅 عمر 9 شهور ‎الحصبة ‎📅 عمر 12 شهر ‎شلل الأطفال نقط ‎الالتهاب الكبدي A (اختياري) ‎MMR: حصبة – حصبة ألمانية – نكاف ‎📅 عمر 18 شهر ‎منشّط DTP ‎شلل الأطفال نقط وحقن ‎M...
إرسال تعليق
قراءة المزيد

التنميل في الجسم: أسبابه، ومتى يكون خطير، وطرق التعامل معه

 أسباب التنميل في الجسم وطرق بسيطة للتعامل معاه التنميل هو إحساس غريب بيحصل في جزء من الجسم – زي الإيد، الرجل، أو حتى الوجه – بيخليك تحس إن المكان ده كأنه "نايم" أو فيه شكشكة أو لسعة بسيطة. كتير من الناس بيحصل معاهم من وقت للتاني، لكن السؤال: إمتى التنميل يكون عادي؟ وإمتى نبدأ نقلق؟ ❗ إمتى التنميل يبقى خطر؟ لو التنميل مفاجئ وفي نص الجسم بس. لو معاه ضعف أو صعوبة في الحركة أو الكلام أو الرؤية. لو مستمر لفترات طويلة. في الحالات دي لازم تروح للدكتور فورًا. 🧠 الأسباب الشائعة للتنميل 1. الجلوس أو النوم غلط: زي لما تنام على دراعك أو رجلك فترة طويلة، فالدورة الدموية بتضعف مؤقتًا. 2. نقص فيتامينات (خصوصًا B12): فيتامين B12 مهم جدًا لصحة الأعصاب، ونقصه بيعمل تنميل وضعف إحساس. 3. السكري: ارتفاع السكر لفترة طويلة بيأثر على الأعصاب الطرفية. 4. مشاكل في العمود الفقري: زي الديسك أو الضغط على الأعصاب. 5. القلق والتوتر: ممكن يسببوا تنميل أو وخز نتيجة شد العضلات وتوتر الأعصاب. 6. أمراض عصبية أو مناعية: زي التهاب الأعصاب أو التصلب المتعدد. 7. الجلطات: التنميل المفاجئ في نصف الجسم مع أعراض أخرى...
إرسال تعليق
قراءة المزيد

حقنة البرد السحرية: ليه الناس بتاخدها؟ وإيه أضرارها ومكوناتها؟

 حقنة البرد “المشهورة”.. ليه كل الناس بتدور عليها أول ما يجيلها دور برد؟ في مصر، مجرد ما حد يتعب شوية، حرارة، صداع، كحة، احتقان… تلاقي أول جملة تتقال: "خُد الحقنة اللي بتريح في ساعتها!" الحقنة دي بقت مشهورة لدرجة إن كل صيدلية تقريبًا بتسمع الطلب ده يوميًا، وبقى ليها اسم معروف بين الناس: حقنة البرد الثلاثية أو “الخلطة السحرية”. بس… إيه هي الحقنة دي؟ ليه بتخلي الواحد يحس إنه “بقى كويس” بعد نص ساعة؟ وليه الدكاترة بقت تحذر منها الفترة الأخيرة؟ وهل فعلًا هي حل سحري ولا مجرد راحة مؤقتة ليها تمن؟ تعالى نفهم القصة ببساطة… إيه هي حقنة البرد المنتشرة في مصر؟ الحقيقة إن مفيش حقنة واحدة اسمها كده… لكن في خلطة بقت منتشرة في معظم الصيدليات، وبتتركب من ٣ حاجات غالبًا: 1️⃣ مضاد للالتهاب (زي ديكلوفيناك – فولتارين) ده المسؤول عن تخفيف: الصداع ألم الجسم الحرارة التهابات الزور بيشتغل بسرعة، وده بيدي إحساس “الفَوقان”. 2️⃣ كورتيزون (زي ديبروفوس أو كورتيبلكس) وده أخطر جزء في الخلطة. الكورتيزون بيقلل الالتهاب ويهدي الاحتقان بسرعة جدًا… وبيخلي المريض حرفيًا يحس إنه بقى كويس بعد نص ساعة أو ساعة. بس تأ...
إرسال تعليق
قراءة المزيد

البقع البيضاء في الجلد مش بهاق بس! الأسباب، الفرق بين الأنواع، وأفضل طرق العلاج المضمون

 هل لاحظت في مرة بقعة بيضا ظهرت في جلدك؟ يمكن في إيدك أو وشك أو رجلك؟ أول حاجة بتجيلك في بالك: “يا ترى دي بُهاق (Vitiligo)؟!” 😟 بس الحقيقة إن مش كل بقعة بيضا معناها بُهاق… فيه أسباب كتير ممكن تعمل نفس المنظر، وبعضها بسيط جدًا ومش محتاج غير علاج خفيف أو حتى شوية اهتمام بالبشرة. في المقال ده هنتكلم بطريقة بسيطة عن: أشهر أنواع البقع البيضاء في الجلد إزاي تفرق بين كل نوع والعلاج المضمون سواء طبي أو طبيعي 🌤️ أولًا: يعني إيه بقع بيضاء في الجلد؟ البقع البيضاء هي مناطق لونها فاتح عن باقي الجلد. ممكن تبان صغيرة أو كبيرة، وساعات تبقى مسطّحة أو فيها قشر خفيف، وممكن تبقى في أي مكان في الجسم. فيه ناس بتظهرلهم بعد الصيف، أو بعد مرض جلدي، أو من غير سبب واضح. 👩‍⚕️ أهم الأسباب والأنواع خلينا نرتّبهم من الأكتر شيوعًا للأقل: 1. Tinea Versicolor (النخالة المبرقشة) ده من أكتر الأسباب المنتشرة خصوصًا في الجو الحر والرطوبة. بيكون بسبب نوع فطريات طبيعية على الجلد، بس ساعات بتنشط زيادة شوية وتعمل بقع بيضا أو بنيّة فاتحة. العلامات المميزة: بقع فاتحة أو غامقة شوية عن لون الجلد. بتظهر أكتر في الكتف، الصدر،...
إرسال تعليق
قراءة المزيد

إزاي تحافظ على الكلى في الصيف | نصايح مهمة تحميك من الجفاف ومشاكل الكلى

 🥵 إزاي تحافظ على الكلى في الصيف؟ الكلى من أهم الأعضاء في جسمنا، لأنها بتشتغل طول الوقت عشان تنضف الدم من السموم وتطلع المياه والفضلات في البول. في الصيف، الجسم بيفقد سوائل أكتر بسبب العرق، وده ممكن يأثر على الكلى لو ماعوضناش السوائل دي. علشان كده، لازم نهتم بالكلى أكتر في الجو الحر. 1️⃣ اشرب مياه كفاية طول اليوم المياه هي الصديق الأول للكلى. في الصيف، الجسم بيحتاج مياه أكتر من الشتاء، لأنك بتفقد سوائل في العرق حتى لو مش حاسس. حاول تشرب من ٢ لـ ٣ لتر مياه في اليوم. قسم شرب المياه على مدار اليوم، مش مرة واحدة. لو بتعمل مجهود أو رياضة، زوّد كمية المياه أكتر. 💡 نصيحة: لو لون البول غامق، ده معناه إنك محتاج تشرب مياه أكتر. 2️⃣ قلل من المشروبات الغازية والعصاير الصناعية المشروبات الغازية والعصاير المحفوظة فيها سكر عالي ومواد حافظة، وده بيزود خطر حصوات الكلى. كمان، الكافيين اللي في المشروبات الغازية والمشروبات الطاقة بيخلي الجسم يفقد سوائل أسرع. 3️⃣ اهتم بالأكل اللي يحافظ على الكلى في الصيف، حاول تاكل أكلات خفيفة وغنية بالمياه زي: الخيار البطيخ البرتقال الكنتالوب الطماطم الأكلات دي بترط...
إرسال تعليق
قراءة المزيد