التخطي إلى المحتوى الرئيسي

اعرف كل المعلومات عن النقرس و ازاي تعالجه

 النقرس هو نوع من انواع الالتهابات الي بتصيب المفاصل و بتسبب ازعاج كبير للي عنده. في للموضوع ده هنتكلم اكتر عن النقرس و الاكل الي بيسببه و ازاي نعالجه بطريقه صح.

١. ايه هي اسباب النقرس؟

النقرس بيحصل نتيجه تكوين كريستالات من حمض اليوريك و بتترسب في المفاصل زي مفصل الصباع الكبير في الرجل او مفصل القدم او الايد او مفصل الركبه. حمض اليوريك في الطبيعي بيدوب و بينزل من الكلى فزياده حمض اليوريك بيكون يا اما زياده تكوين الجسم ليه و ده بيكون بسبب زياده مصادره من الاكل او الكلي مبتفرزش حمض اليوريك كويس.

٢. مين الناس المعرضه اكتر لمرض النقرس؟

الناس المعرضه للنقرس اكتر الي عندهم زياده في الوزن او عندهم وراثي في العيله او عندهم امراض مزمنه زي الضغط و السكر او الي باخدوا ادويه بتزود النقرس زي ادويه معينه من ادويه الضغط. في العموم الرجاله معرضين اكتر للنقرس و بيجيلهم غالبا من سن ٣٠ ل ٥٠ بس الستات نسبه ان يجيلهم نقرس بتزيد بعد سن الطمث.

٣. ايه الاكل الممنوع في النقرس؟

في اكلات معينه بتزود نسبه حمض اليوريك و المفضل الابتعاد عنها زي اللحمه الحمرا و الوز و البط و التونا.

٤. طيب و ايه المشروبات الممنوعه في النقرس؟

مهم جدا الابتعاد عن المشروبات الي بيتحط عليها سكر خارجي و العصاير المصنعه لانها بتسبب زياده في حمض اليوريك ده غير انها بتسبب زياده في الوزن و بتضر بالشخص الي عنده سكر 

٥. هل الشاي و القهوه ممنوعين في النقرس؟

لا مش ممنوعين الا لو محطوط عليهم سكر من بره زي ما قولنا و هي دي المشكله فيهم مش المشكله في القهوه و الشاي. بل بالعكس القهوه ممكن تقلل النقرس.

٦. ايه الاكل و الشرب للنقرس عشان يقلله؟

في العموم المفروض تاكل وجبات صحيه متوازنه و تشرب مياه كتير و تزود من الخضروات و الفاكهه و تبعد عن المشروبات الي بتحط عليها سكر من بره. الدراسات اثبتت برده ان الاكل الي فيه فيتامين سي زي البرتقال و الليمون بيقلل نسبه حدوث النقرس. برده الكريز فيه مضادات للأكسده و ممكن يساعد مع النقرس 

٧. ايه الادويه الي ممكن تتاخد عشان النقرس؟

الدكتور ممكن يكتبلك ادويه عشان الالم زي المسكنات منها بروفين او بارسيتامول. ممكن برده يكتبلك ادويه تقلل الالتهاب في المفاصل في وقت الالم زي الكولشيسين و ممكن يكتب ادويه عشان تمنع حدوث النقرس تاني زي الزيلوريك و الفيبيوريك. 

اتمني تكونوا استفدتوا من الموضوع ده و عرفتوا اكتر عن النقرس و ازاي تتعاملوا معاه و ايه الاكل و الشرب الي المفروض تبعدوا عنه. لو عجبك الموضوع يا ريت تعمل شير عشان تنتشر المعلومه.

النقرس

 

التسميات:

تعليقات

إرسال تعليق

المشاركات الشائعة من هذه المدونة

مشاكل النوم عند الحوامل: ليه بتحصل وازاي تتغلبي عليها؟

 أغلب الحوامل بيشتكوا من مشاكل في النوم، خصوصًا في التلت التاني والتالت من الحمل. الدراسات بتقول إن حوالي ٧٥٪ من السيدات الحوامل بيعانوا من صعوبة في النوم في مرحلة ما من الحمل، وده بيأثر على صحتهم النفسية والجسدية وكمان على تطور الجنين. طيب ليه النوم بيتأثر وقت الحمل؟ في أسباب طبية معروفة بتأثر على النوم خلال الحمل، وأهمها: 1. تغيّرات هرمونية: هرمون البروجسترون بيزيد بشكل كبير، وده بيأثر على دورة النوم الطبيعية وبيسبب نعاس بالنهار وأرق بالليل. 2. كثرة التبول: الرحم بيضغط على المثانة، وده بيخلي الحامل تصحى كتير تدخل الحمام، خاصة في آخر الليل. 3. الحموضة وارتجاع المريء: بسبب ارتخاء عضلة المريء وزيادة ضغط الرحم على المعدة، بتحصل حموضة وحرقة، وده بيخلي النوم صعب. 4. آلام الظهر وتقلصات الرجلين: نتيجة زيادة الوزن وتغيّر مركز الثقل في الجسم. 5. القلق والتوتر: الخوف من الولادة أو من مسؤولية الأمومة ممكن يسبب أرق. 6. مشاكل التنفس أثناء النوم: زي انقطاع النفس أثناء النوم (Sleep apnea)، وده ممكن يحصل خصوصًا لو في وزن زائد. نصائح طبية لتحسين النوم عند الحوامل: نامي على جنبك الشمال. الوضع ده بي...
إرسال تعليق
قراءة المزيد

أفضل أكل لمرضى القلب | أكلات بسيطة تحافظ على صحتك يوم بيوم

🫀 أفضل أكل لمرضى القلب – حاجات يومية ببساطة كتير من الناس بيسألوا: "أنا عندي مشكلة في القلب، آكل إيه؟ وأبعد عن إيه؟" في المقال ده، هنجاوبك ببساطة وبدون تعقيد. ✅ أولًا: أكل يقوي القلب ويحافظ عليه 1. السمك (خصوصًا السلمون والسردين): فيه أوميجا 3، ودي مادة بتساعد على تقليل الالتهابات وتظبط الكوليسترول. 2. الشوفان: غني بالألياف اللي بتنظف الشرايين وبتقلل الكوليسترول الضار. 3. الخضار الورقي (زي السبانخ والجرجير): مليان مضادات أكسدة وماغنيسيوم مفيد لعضلة القلب. 4. المكسرات (كمية صغيرة): خصوصًا عين الجمل واللوز، بيقللوا من الدهون الضارة في الجسم. 5. زيت الزيتون البكر: بديل ممتاز للزيوت التانية، وبيساعد على تقليل ضغط الدم. 6. الفاكهة الغنية بالألياف (زي التفاح والتوت): مش بس طعمها حلو، كمان مفيدة للقلب والضغط. ❌ أكلات ياريت تبعد عنها: 1. اللحوم المصنعة (زي اللانشون، السوسيس): فيها دهون ومواد حافظة كتير، وبتضر الشرايين. 2. الملح الكتير: بيرفع ضغط الدم، وده بيأثر على القلب على المدى الطويل. 3. المقليات (زي البطاطس والسمبوسك): الدهون المشبعة فيها بتسد الشرايين. 4. الحلويات الكتير والسك...
إرسال تعليق
قراءة المزيد

الفرق بين الفيتامينات الطبيعية والمصنعة: تاخد إيه فيهم وليه؟

 كلنا بنسمع عن الفيتامينات وأهميتها لصحة الجسم، بس هل فيه فرق بين الفيتامينات اللي بناخدها من الأكل، واللي موجودة في الأقراص أو المكملات؟ في المقال ده، هنعرف الفرق بينهم، وإيه الأحسن لجسمك. يعني إيه فيتامينات طبيعية؟ الفيتامينات الطبيعية هي اللي بناخدها من الأكل زي الخضار، الفاكهة، اللحمة، اللبن، والبيض. الجسم بيستفيد منها بنسبة كبيرة لأنها بتيجي في صورة طبيعية ومعاها عناصر تانية بتساعد على الامتصاص زي الألياف والمعادن. والفيتامينات المصنّعة؟ دي اللي بتتباع في الصيدليات على شكل أقراص، كابسولات، أو بودر. بيتم تصنيعها في المعامل وبتكون أحيانًا شبه الطبيعية، وأحيانًا تانية صناعية خالص. إيه الفرق الحقيقي؟ 1. الامتصاص: الجسم بيمتص الفيتامينات الطبيعية بشكل أحسن، لأن فيها مكوّنات طبيعية بتسهل الامتصاص. أما المصنعة، مش دايمًا الجسم يمتصها بالكامل. 2. الأمان: لو أخدت الفيتامينات الطبيعية من الأكل، صعب تزوّد الجرعة وتضر نفسك. لكن مع المصنعة، الجرعة الزايدة ممكن تضر الجسم. 3. الفعالية: فيتامين C مثلًا من البرتقال بيشتغل في الجسم بشكل أحسن من اللي في الأقراص، لأنه بييجي مع مواد مضادة للأكسدة....
إرسال تعليق
قراءة المزيد

خشونة الركبة عند الشباب: الأسباب وطرق العلاج الفعالة اللي لازم تعرفها

ليه بيجيلي خشونة ركبة وأنا لسه صغير؟ ناس كتير بتستغرب لما تحس بوجع في ركبتها وهي لسه صغيرة في السن، وبتسأل: هو أنا عندي خشونة ركبة؟ ده مش مرض بتاع الكبار؟ الحقيقة إن خشونة الركبة ممكن تصيب أي حد، حتى لو لسه في التلاتينات أو أصغر، وده بيحصل لأسباب كتير هنشرحها ببساطة. أعراض خشونة الركبة عند الشباب: وجع في الركبة بيزيد مع الحركة أو السلم تيبّس في الركبة خاصة بعد القعدة الطويلة صوت طقطقة أو احتكاك وانت بتتحرك صعوبة في فرد أو تني الركبة كويس الركبة ممكن تبقى وارمة أو فيها إحساس بالسخونة إيه أسباب خشونة الركبة في السن الصغير؟ 1. زيادة الوزن الوزن الزيادة بيحط ضغط كبير على مفصل الركبة وبيسرّع التآكل. 2. التمرين غلط أو كتير بزيادة تمرينات عنيفة أو تحميل غلط على المفصل ممكن تسبب تآكل مبكر. 3. إصابات قديمة في الركبة زي الرباط الصليبي أو الغضروف، لو متعالجتش كويس بتأثر على المفصل. 4. وراثة أو عوامل جينية بعض الناس عندهم استعداد وراثي لخشونة المفاصل. 5. مشاكل في طريقة المشي أو تقوس الساقين تشخيص خشونة الركبة بيتم إزاي؟ الدكتور بيسألك عن الأعراض وبيفحص الركبة، وممكن يطلب أشعة عادية أو رنين مغناطيس...
إرسال تعليق
قراءة المزيد

ليه بتحس بتنميل في إيدك أو رجلك؟ الأسباب الخطيرة والبسيطة للتنميل!

 ليه بحس بتنميل في إيدي أو رجلي؟ أكيد مرة على الأقل حسيت إن إيدك أو رجلك نامت! الإحساس ده اسمه "تنميل" أو "نَمَلان"، وبيحصل لما الأعصاب ميوصلهاش الدم كويس أو يحصل ضغط عليها. بس يا ترى، التنميل ده دايمًا بسيط؟ ولا ممكن يكون علامة على حاجة أخطر؟ تعالى نشوف. أشهر أسباب التنميل البسيطة: 1. الجلوس أو النوم بوضع غلط: لو قعدت على رجلك وقت طويل، أو نمت وإيدك تحت دماغك، هتحس بتنميل. ده عادي وبيختفي لو غيرت الوضعية. 2. الضغط على الأعصاب: زي مثلاً لو فيه ديسك بسيط في الظهر ضاغط على عصب، ممكن يعملك تنميل في رجلك. 3. نقص فيتامين ب 12: من الفيتامينات المهمة للأعصاب، ونقصه يسبب تنميل وتنميل مستمر. 4. مجهود زيادة أو توتر عصبي: ناس كتير بتحس بتنميل لما بتتوتر أو تتعرض لضغط نفسي. إمتى التنميل يكون خطر؟ التنميل ممكن يكون علامة على مشاكل أكبر، خصوصًا لو: بيزيد مع الوقت ومابيروحش. بييجي في ناحيه واحدة من الجسم بس. مصحوب بضعف في العضلات أو صعوبة في الكلام. جالك فجأة مع دوخة أو فقدان توازن. الأعراض دي ممكن تشير لأمراض زي: مشاكل في الأعصاب الطرفية (زي مرض السكر). جلطة بسيطة أو بداية جلطة. ...
إرسال تعليق
قراءة المزيد