حب الشباب مشكله بتواجه كتير من الناس كده خاصه الشباب و بيسببلهم مشاكل ثقه في النفس. في الموضوع ده هناكلم عن كل حاجه تخص حب الشباب و ايه اسبابه و ازاي نعالجه بطريقه صح.
١. ايه هي اسباب حب الشباب؟
حب الشباب بيحصل نتيجه ان مسام الوش بتتسد نتيجه تراكم دهون فبتغمل حبوب و ممكن الحبوب يصيبها بكتيريا فبتبقى حبوب فيها صديد.
٢. مين اكتر ناس بيجيلها حب الشباب؟
اكتر ناس بيجيلها حب الشباب من اسمها الشباب نتيجه زياده هرمون التوستيرون و المفروض ان حب الشباب بيقل لما الشخص يكبر في السن. كمان الناس اصحاب البشره الدهنيه معرضين اكتر لحب الشباب. الستات الحوامل و اثناء الدوره الشهريه برده بيزيد نسبه ان يجيلهم حب الشباب. الضغط النفسي كمان بيزود نسبه حب الشباب. كمان الجو المترب و فيه دخان كتير بيزود نسبه ان يكون فيه حب شباب
٣. ايه الحاجات الي اعملها عشان اقلل حب الشباب؟
- البعد عن كريمات البشره الدهنيه او التقيله
- بلاش لبس طواقي تقيله
- البعد عن الضغط النفسي
- غسيل الوش على الاقل مره واحده يوميا بغسول للوش خفيف و مسح الوش بفوطه خاصه
- البعد عن الاماكن الي فيها دخان و رطوبه عاليه على قدر الامكان
- تغيير كيس المخده الي بتنام عليها بشكل منتظم
- التزم بأكل صحي متوازن و البعد عن الاكل الي فيه سكريات كتير
- بنزويل بيروكسيد: الماده دي بتشتغل على البكتيريا الي موجوده في البشره و بتقلل حب الشباب و موجوده في كريمات كتير ذي بانوكسيل و اكنروكسيد
- ريتينويد: دي ماده مشتقه من فيتامين ا و يتساعد على فتح المسام و تقليل حب الشباب و موجده في كريمات زي اكني فري او في برشام زي نيت لوك و دي الدكتور بيكتبها في حالات شديده.
- حمض ازيلايك: ده حمض بيقلل الالتهاب في حب الشباب و بيشتغل على البكتيريا و موجود في كريمات زي ازيديرم
- مضاد حيوي: في مضادات حيويه زي الاريسروميسين و موجود في كريمات كتير و الدكتور ممكن يلجألها في حالات التهابات حب الشباب.
- الليزر: في بعض الحالات الي بيحصل فيها علامات مكان حب الشباب الدكتور ممكن يلجأ لليزر عشان يشيل اثر حب الشباب.
- التقشير الكيماوي: برده الدكتور ممكن يلجأ للتقشير الكيماوي عشان يشيل طبقه البشره القديمه و يطله بشره جديده صحيه و بتقلل علامات و ندوب حب الشباب
