التخطي إلى المحتوى الرئيسي

جلطه الرئه و أعراضها و اسبابها و ازاي بتتعالج

 جلطة الرئة أو جلطة الشريان الرئوي دي مشكلة صحية خطيره بتواجه بعض الناس. في الموضوع ده هنتكلم عن جلطة الرئة وإيه هي أعراضها وإزاي بتتشخص والدكتور بيدي لها علاج إيه

١. ايه هي جلطه الرئه؟

جلطة الرئة بتكون عبارة عن إن في تجلط بيحصل في الشريان الرئوي إللي بيغذي الرئه فده ممكن يسبب في ضرر أو تلف في الرئة.

٢. ايه هي اسباب جلطه الرئه؟

جلطة الرئة بتحصل نتيجة إن في تجلط في الأوردة في الجسم والجلطات دي بتتحرك للشريان الرئوي. في الأغلب التجلطات دي بتحصل في أوردة الساقين نتيجة اسباب مختلفة زي:

• كسر في الرجل او الحوض

• عدم الحركه لأي سبب لفتره كام يوم

• الادويه المضاده للسرطان ممكن تزود احتمال جلطات الساقين.

٣. ايه هي اعراض جلطه الرئه؟

أعراض جلطة الرئة كتير زي

• نفس سريع

• وجع في الصدر

• ضربات قلب ملخبطه او سريعه

• نبض ضعيف

• دوخه او هبوط

٤. ازاي الدكتور بيشخص جلطه الرئه؟

الدكتور لو اشتبه في جلطة الرئة ممكن يطلب تحاليل و فحوصات زي أشعة مقطعية على شرايين الرئة بالصبغة ودي إللي ممكن تبين الجلطة إللي في الشريان الرئوي و دي بيستخدم فيها صبغة فعشان كده مبتستخدمش في الناس إللي عندهم ارتفاع في وظائف الكلى. برضه الدكتور ممكن يطلب رسم قلب و موجات صوتية على القلب وممكن يطلب تحليل زي ال دي دايمر إللي بيكون مرتفع في حالات جلطة الرئه.

٥. ازاي الدكتور بيعالج جلطه الرئه؟

جلطة الرئة ممكن تكون خطيرة وتؤدي للوفاة فعشان كده حالات كتير منها بتتحجز في الرعاية عشان ممكن تاخد مذيب للجلطة ودي في حالات معينة إللي بيبقى فيها هبوط حاد في الدورة الدموية. برضه في الغالب هيتكتب أدوية مضادة للسيولة عشان تمنع حصول جلطات جديده أو ان الجلطه تزيد أو تسبب ارتفاع في ضغط الشريان الرئويي الي بيبقى مرض مزمن لو الجلطه متعالجتش.

٦. ايه العوامل الي بتزود احتماليه حصول جلطه الرئه؟

عوامل كتير من ضمنها:

• ادويه منع الحمل زي الاستروجن

• بعض الامراض الوراثيه الي بتسبب تجلط في الدم

• السرطان

• ضعف عضله القلب

• زياده الوزن الشديدة

اتمنى تكونوا عرفتوا أكتر عن جلطه الرئه و ايه هي اسبابها و اعراضها و ازاي بتتعالج. متنسوش تعملوا شير عشان المعلومه تنتشر

جلطه الرئة



التسميات:

تعليقات

إرسال تعليق

المشاركات الشائعة من هذه المدونة

تغيير الصمام الأورطي بالقسطرة (TAVI): الحل الحديث لمرضى القلب بدون جراحة

يعني إيه تغيير الصمام الأورطي بالقسطرة (TAVI)؟ تغيير الصمام الأورطي بالقسطرة – أو زي ما الأطباء بيسموه TAVI أو TAVR – هو إجراء حديث بيستخدموه بدل الجراحة المفتوحة، علشان يغيروا الصمام الأورطي لما يبقى ضيق أو مش شغال كويس. بدل ما نفتح الصدر بالكامل، بندخل بالقسطرة من فتحة صغيرة في الفخذ، ونركب الصمام الجديد جوه القديم. ليه الصمام الأورطي مهم؟ الصمام الأورطي هو البوابة اللي بتخرج منها الدم من القلب لباقي الجسم. لو بقى ضيق (حالة اسمها Aortic Stenosis)، القلب بيضطر يشتغل بزيادة، وده ممكن يسبب تعب، دوخة، ألم في الصدر، أو حتى فشل قلبي. مين اللي محتاج يعمل TAVI؟ كبار السن اللي مش هيستحملوا جراحة القلب المفتوح المرضى اللي عندهم أمراض تانية بتزود خطورة الجراحة الناس اللي عندهم أعراض بسبب ضيق الصمام الأورطي أحيانًا بيتعمل لمرضى متوسطي الخطورة كمان خطوات الإجراء: 1. بنخدر المريض (أحيانًا تخدير موضعي بس) 2. بندخل قسطرة من الشريان الفخذي 3. بنوصل للقلب، وبنركب الصمام الجديد جوه الصمام الأديم 4. بنختبر الشغل والتدفق 5. بنقفل الفتحة الصغيرة في الرجل مميزات TAVI: ✅ بدون جراحة قلب مفتوح ✅ وقت تعافي أسر...
إرسال تعليق
قراءة المزيد

أفضل أكل لمرضى القلب | أكلات بسيطة تحافظ على صحتك يوم بيوم

🫀 أفضل أكل لمرضى القلب – حاجات يومية ببساطة كتير من الناس بيسألوا: "أنا عندي مشكلة في القلب، آكل إيه؟ وأبعد عن إيه؟" في المقال ده، هنجاوبك ببساطة وبدون تعقيد. ✅ أولًا: أكل يقوي القلب ويحافظ عليه 1. السمك (خصوصًا السلمون والسردين): فيه أوميجا 3، ودي مادة بتساعد على تقليل الالتهابات وتظبط الكوليسترول. 2. الشوفان: غني بالألياف اللي بتنظف الشرايين وبتقلل الكوليسترول الضار. 3. الخضار الورقي (زي السبانخ والجرجير): مليان مضادات أكسدة وماغنيسيوم مفيد لعضلة القلب. 4. المكسرات (كمية صغيرة): خصوصًا عين الجمل واللوز، بيقللوا من الدهون الضارة في الجسم. 5. زيت الزيتون البكر: بديل ممتاز للزيوت التانية، وبيساعد على تقليل ضغط الدم. 6. الفاكهة الغنية بالألياف (زي التفاح والتوت): مش بس طعمها حلو، كمان مفيدة للقلب والضغط. ❌ أكلات ياريت تبعد عنها: 1. اللحوم المصنعة (زي اللانشون، السوسيس): فيها دهون ومواد حافظة كتير، وبتضر الشرايين. 2. الملح الكتير: بيرفع ضغط الدم، وده بيأثر على القلب على المدى الطويل. 3. المقليات (زي البطاطس والسمبوسك): الدهون المشبعة فيها بتسد الشرايين. 4. الحلويات الكتير والسك...
إرسال تعليق
قراءة المزيد

الفرق بين الصداع العادي والصداع النصفي: إزاي تفرق بينهم وتعرف تعالج صح؟

 🧠 الفرق بين الصداع العادي والصداع النصفي فيه ناس كتير بتحس بوجع في الراس وبتقول "عندي صداع"، بس هل هو صداع عادي؟ ولا صداع نصفي؟ تعال نعرف الفرق بينهم علشان نقدر نعالج صح. 🔵 أولًا: الصداع العادي (Tension Headache) ده النوع اللي بييجي لمعظم الناس من وقت للتاني، وبيبقى وجع خفيف أو متوسط في الراس. ✅ الأعراض: وجع ثابت في الجبهة أو مؤخرة الراس أو الرقبة. ممكن تحس إن في ضغط حوالي راسك كأن في شريط مشدود. مفيش غثيان ولا حساسية للضوء أو الصوت. ✅ الأسباب: التوتر أو القلق. قلة النوم أو الإرهاق. الجوع أو تأخير الوجبات. استخدام الموبايل أو الكمبيوتر لفترات طويلة. ✅ العلاج: مسكنات بسيطة زي الباراسيتامول أو البروفين. الراحة والنوم كويس. تقليل التوتر وشرب مياه كفاية. 🔴 ثانيًا: الصداع النصفي (Migraine) ده نوع تاني خالص، بيكون أشد وبياخد وقت أطول، وبيأثر على الحياة اليومية. ⚠️ الأعراض: وجع شديد غالبًا في نص واحد من الراس. ممكن تحس بخفقان أو نبض في الراس. غثيان أو قيء. حساسية قوية للضوء أو الصوت أو حتى الريحة. في بعض الحالات بييجي قبل الصداع "أورة" (Aura): زي تشويش في النظر أو نقط ...
إرسال تعليق
قراءة المزيد

اللولب النحاسي والهرموني: الفرق بينهم وأخطر الأضرار اللي لازم تعرفيها

اللولب النحاسي والهرموني: الفرق بينهم وأخطر الأضرار اللي لازم تعرفيها لو بتفكري في وسيلة منع حمل طويلة المدى ومضمونة، أكيد سمعتي عن "اللولب"، سواء النحاسي أو الهرموني. وكتير من الستات بيترددوا يركبوه بسبب الخوف من الألم أو الأضرار. في المقال ده، هنتكلم ببساطة عن الفرق بين النوعين، وإيه الأعراض الجانبية اللي ممكن تحصلك، وإزاي تختاري اللي يناسبك. يعني إيه لولب؟ اللولب هو جهاز صغير على شكل حرف T، بيتحط جوه الرحم علشان يمنع الحمل. بيتركب عن طريق دكتورة نسا، وبيفضل شغال سنين من غير ما تحتاجي تعملي حاجة كل يوم. فيه نوعين معروفين: اللولب النحاسي اللولب الهرموني الفرق بين اللولب النحاسي والهرموني 1. اللولب النحاسي ده بيكون مغلف بالنحاس، وبيشتغل من غير هرمونات. النحاس بيغير طبيعة الرحم ويخلي الحيوانات المنوية تموت قبل ما توصل للبويضة. بيفضل شغال من 5 لـ 10 سنين حسب النوع. 2. اللولب الهرموني بيفرز هرمون اسمه "بروجيستيرون"، وده بيقلل من سُمك بطانة الرحم، وبيمنع التبويض في بعض الحالات. كمان بيخلي عنق الرحم مقفول عشان يمنع دخول الحيوانات المنوية. بيشتغل من 3 لـ 5 سنين. أضرار الل...
إرسال تعليق
قراءة المزيد

خشونة الركبة عند الشباب: الأسباب وطرق العلاج الفعالة اللي لازم تعرفها

ليه بيجيلي خشونة ركبة وأنا لسه صغير؟ ناس كتير بتستغرب لما تحس بوجع في ركبتها وهي لسه صغيرة في السن، وبتسأل: هو أنا عندي خشونة ركبة؟ ده مش مرض بتاع الكبار؟ الحقيقة إن خشونة الركبة ممكن تصيب أي حد، حتى لو لسه في التلاتينات أو أصغر، وده بيحصل لأسباب كتير هنشرحها ببساطة. أعراض خشونة الركبة عند الشباب: وجع في الركبة بيزيد مع الحركة أو السلم تيبّس في الركبة خاصة بعد القعدة الطويلة صوت طقطقة أو احتكاك وانت بتتحرك صعوبة في فرد أو تني الركبة كويس الركبة ممكن تبقى وارمة أو فيها إحساس بالسخونة إيه أسباب خشونة الركبة في السن الصغير؟ 1. زيادة الوزن الوزن الزيادة بيحط ضغط كبير على مفصل الركبة وبيسرّع التآكل. 2. التمرين غلط أو كتير بزيادة تمرينات عنيفة أو تحميل غلط على المفصل ممكن تسبب تآكل مبكر. 3. إصابات قديمة في الركبة زي الرباط الصليبي أو الغضروف، لو متعالجتش كويس بتأثر على المفصل. 4. وراثة أو عوامل جينية بعض الناس عندهم استعداد وراثي لخشونة المفاصل. 5. مشاكل في طريقة المشي أو تقوس الساقين تشخيص خشونة الركبة بيتم إزاي؟ الدكتور بيسألك عن الأعراض وبيفحص الركبة، وممكن يطلب أشعة عادية أو رنين مغناطيس...
إرسال تعليق
قراءة المزيد