وجع الرقبة مشكله بتواجه ناس كتير و بستتبلهم ألم و مبيعرفوش حياتهم بشكل طبيعي. في الموضوع ده هنتكلم عن ايه هي أسباب وجع الرقبه و ازاي بتتعالج بطريقه صح.
١. ايه هي أعراض وجع الرقبة؟
وجع الرقبة بييجي بكذا شكل زي:
- الرقبة تكون شاده أو واقفه و الشخص ميقدرش يحركها بسهوله.
- وجع شديد في نقطة واحده في الرقبة.
- وجع بيزيد مع الحركه أو ان الواحد يتني رقبته.
- وجع بيسمع في الكتف أو الدراع.
- صداع
- وجع مع لمس منطقه الرقبة.
٢. ايه هي أسباب وجع الرقبة؟
فيه أسباب كتير لوجع الرقبة زي:
- التهاب أو شد في العضلات الي حوالين العمود الفقري في الرقبة و ده بيحصل نتيجه ان الشخص بيقعد بطريقه غلط أو بيقعد على مكتب لفتره طويله أو بينام في وضعيه غلط
- خبطة في الرقبة زي التعرض لحادثه أو خبطه و ده يا اما بيخلي الأوتار و العضلات بتاعه الرقبه تتحرك حركه مش طبيعيه أو ان يكون حصل اصابه لفقرات الرقبة.
- ذبحه أو جلطه في القلب. وجع الرقبة ممكن يكون من أعراض ذبحه أو جلطه القلب و الي ممكن يكون معاها ضيق في النفس أو غممان في النفس أو ترجيع أو عرق.
- الالتهاب السحائي. ده مرض خطير بيصيب الغشاء الي حوالين المخ و ممكن يكون مصاحب ليه تخشب الرقبة أو صداع أو سخونية أو غممان أو ترجيع أو حساسية للضوء.
- فيه اسباب تانية زي هشاشه العظام الي اتكلمنا عنها في مقال تاني أو الروماتويد أو انزلاق غضروفي.
٣. امتى أروح أكشف عند الدكتور لو عندي وجع في الرقبة؟
لو الوجع استمر أكتر من أسبوع أو لو عندك أي من الأعراض دي:
- وجع شديد من غير سبب معروف
- وجع في الصدر
- سخونية
- ورم في الرقبة
- صداع
- تورم في الغدد الليمفاوية
- غممان
- ترجيع
- صعوبة في البلع أو التنفس
- ضعف أو تنميل
- وجع مسمع في الدراعات أو الرجلين أو مش قادر تحركهم
- تنميل
- لخبطه في التبرز أو التبول
٤. ازاي بيتشخص سبب وجع الرقبة؟
الدكتور بيعمل فحص شامل و بياخد تاريخ مرضي مفصل و ممكن يطلب فحوصات زي صوره دم أو آشعة عادية أو آشعه مقطعية أو رنين مغناطيسي أو اختبار أعصاب و دا اختبار بيشوف الأعصاب و العضلات كويسة و لا فيها مشكلة.
بعد ما بيشخص الحالة بيكتب على علاجات على حسب الحالة زي:
- كمادات باردة و سخنه
- تمرينات للرقبة
- مسكنات زي الباراسيتامول أو البروفين.
- باسط للعضلات
- حقت كورتيزون في حالات معينة
- ممكن الحالة تحتاج حجز لو السبب خطير زيمشكله في القلب أو الالتهاب السحائي
٥. ازاي اخفف وجع الرقبة بنفسي؟
لو الوجع خفيف و بقاله أقل من أسبوع و معهوش أعراض من الي قولنا عليها فيه كام جاجه ممكن بخففوا الوجع زي:
- كمادات تلج كام يوم و بعدها كمادات سخنه كام يوم.
- مسكنات زي البارسيتامول و البروفين.
- لو بتلعب رياضة حاول تبعد عنها كام يوم و تبعد عن شيل حاجات تقيلة.
- اعمل تمرينات لرقبتك أنك تتني رقبتك براحة يمين و شمال و فوق و تحت
- حاول تقعد بطريقة صح و أن يكون ظهرك مفرود.
- حد يعملك مساج خفيف لرقبتك.
اتمنى تكونوا عرفتوا أكتر عن وجع الرقبة و ايه أسبابة و ازاي بيتشخص و يتعالج.
